Greqia përfshihet nga një valë e rrezikshme të nxehti: Temperaturat deri në 44°C

Greqia ka hyrë në një fazë të dytë të një vale të fuqishme të të nxehtit, me temperatura që pritet të kalojnë 40 gradë Celsius, ndërsa në disa rajone do të arrijnë deri në 43-44°C, paralajmërojnë autoritetet meteorologjike.

“Faza e parë e temperaturave të larta filloi javën e kaluar me 37°C. Faza e dytë, më intensive, do të zgjasë rreth gjashtë ditë dhe më pas pritet një ftohje graduale të shtunën e ardhshme,” – tha për agjencinë ANA drejtori i kërkimeve të Observatorit Kombëtar të Athinës (NOA), Kostas Lagouvardos.

Sipas tij, kulmi i nxehtësisë pritet të martën, të mërkurën dhe të enjten, me mundësi vazhdimi deri të premten, në varësi të lëvizjes së erërave.

“Bazuar në karakteristikat e masave të ajrit që po afrohen, në disa zona do të përballemi me mot ekstrem,” – shtoi Lagouvardos.

Zonat më të prekura

Temperaturat më të larta priten në:

• Thesali
• Maqedonia Qendrore
• Trakia
• Peloponezi lindor
• Atika, përfshirë zonat qendrore dhe jugore të Athinës

Një shqetësim i veçantë janë temperaturat e larta gjatë natës, që nuk do të bien poshtë 30°C në disa zona, duke shtuar ndjeshëm stresin termik te qytetarët.

“Edhe në lartësi deri në 800 metra, temperaturat do të jenë mbi 35°C. Në disa rajone mbi 1 500 metra do të shkojnë deri në 26°C,” – theksoi meteorologu i NOA-s, Stravros Dafis.

Rreziku për shëndetin publik

Profesoresha e Shëndetit Publik, Klea Katsougianni, e Universitetit Kombëtar dhe Kapodistrian të Athinës dhe e Imperial College London, paralajmëron se vala e të nxehtit mund të ketë pasoja serioze për shëndetin.

“Nëse nuk ndërmarrim masa për t’u përshtatur me ndryshimet klimatike, do të përballemi me pasoja shumë serioze,” – deklaroi ajo.

Duke iu referuar një studimi të publikuar në Nature Medicine, ajo tha:

“Athina është ndër 10 qytetet më të rrezikuara në Evropë për rritje të numrit të vdekjeve deri në fund të shekullit, nëse nuk merren masa urgjente.”

Autoritetet u bëjnë thirrje qytetarëve të shmangin qëndrimin në ambiente të hapura gjatë pikut të nxehtësisë dhe të ndjekin udhëzimet për mbrojtjen nga vala e të nxehtit. Flaka

• 
• 
• 
• 
• 
• 
• 

32

„Duke pasur parasysh protestat në shtetet e rajonit dhe të botës, a mendoni se edhe Maqedonia e Veriut do të përfshihet në këtë valë të protestave sociale?“

Po, është koha.

24

Jo, nuk mendoj.

7

Nuk ka arsye për të protestuar.

1