McConaughey paralajmëron: “AI ka shumë para pas saj, përshtatuni”

Aktori fitues i çmimit Oscar, Matthew McConaughey, ka deklaruar se rezistenca ndaj zhvillimit të inteligjencës artificiale nuk do të zgjasë, duke theksuar se bëhet fjalë për një industri ku “janë në lojë shumë para” dhe ku teknologjia po zhvillohet me ritme të shpejta.

Në një intervistë të raportuar nga Vijesti.me, McConaughey u shpreh se prania e inteligjencës artificiale është tashmë e pashmangshme dhe se kundërshtimi moral nuk do të jetë i mjaftueshëm për ta ndalur atë.

“Nuk do të jetë e mjaftueshme të qëndrosh mënjanë dhe të argumentosh moralisht se kjo është e gabuar. Kjo nuk do të zgjasë. Ka shumë para në lojë dhe teknologjia është shumë produktive”, tha aktori.

Ai theksoi se mënyra më e mirë për t’u mbrojtur në epokën e re dixhitale është mbrojtja ligjore e identitetit personal. Sipas tij, zëri, imazhi dhe materialet personale duhet të mbrohen përmes markave tregtare, në mënyrë që të shmanget keqpërdorimi i tyre në të ardhmen.

“Bëj çfarëdo që të duhet, në mënyrë që askush të mos të ‘vjedhë’ kur të vijë ajo kohë”, shtoi ai.

Deklaratat e McConaughey vijnë pasi The Wall Street Journal raportoi se ai ka marrë miratimin nga Zyra e Patentave dhe Markave Tregtare e SHBA-së për tetë aplikime për markë tregtare. Materialet e mbrojtura përfshijnë klipe të shkurtra video dhe regjistrimin audio të vargut të tij të famshëm “Alright, alright, alright” nga filmi kult Dazed and Confused.

Mes materialeve të mbrojtura janë një video shtatësekondëshe në verandë, një klip tre-minutësh para një peme Krishtlindjesh, si dhe regjistrimi audio i frazës që është bërë pjesë e kulturës pop.

Megjithatë, pas komenteve të tij për inteligjencën artificiale, disa kritikë kanë ngritur pikëpyetje për konflikt të mundshëm interesi, pasi aktori ka zbuluar se prej disa vitesh është investitor në kompaninë ElevenLabs, e cila zhvillon softuerë për inteligjencë artificiale dhe sintezë të të folurit.

Pavarësisht kritikave, McConaughey këmbëngul se e ardhmja ka mbërritur tashmë dhe se, në vend të rezistencës, përshtatja dhe mbrojtja ligjore e identitetit janë thelbësore për të përballuar sfidat e epokës së inteligjencës artificiale.

Flaka

• 
• 
• 
• 
• 
• 
• 

123

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Qeverisja aktuale VMRO-VLEN

99

Qeverisja e kaluar LSDM-BDI

9

Nuk kam informacion të mjaftueshëm për të gjykuar

15