Meta lançon abonimet “Plus” për Facebook, Instagram dhe WhatsApp

Meta Platforms ka njoftuar lansimin global të planeve të reja të abonimit për platformat e saj Facebook, Instagram dhe WhatsApp, duke sjellë një model të ri shërbimesh me pagesë për përdoruesit.

Sipas njoftimit, abonimet “Plus” do të ofrojnë funksione shtesë dhe ekskluzive për përdoruesit, krijuesit e përmbajtjes dhe bizneset. Meta ka bërë të ditur gjithashtu se plane të reja të bazuara në Meta AI pritet të lansohen në të ardhmen.

Çmimet e abonimeve janë vendosur në:

• Facebook Plus dhe Instagram Plus: 3.99 dollarë në muaj
• WhatsApp Plus: 2.99 dollarë në muaj

Kompania thekson se këto plane nuk e zëvendësojnë shërbimin “Meta Verified”, por do të ekzistojnë paralelisht me të.

Përdoruesit e abonimeve do të kenë akses në veçori të avancuara si analiza më të detajuara të Stories, opsione të zgjeruara për audiencën, shikim paraprak të Stories para publikimit, si dhe mundësi për të postuar përmbajtje pa u shfaqur në feed-in e ndjekësve.

Gjithashtu, abonimet sjellin elemente personalizimi si ikona të aplikacioneve, fonte për bio, reagime të animuara dhe funksione shtesë për organizimin e përmbajtjes.

Në WhatsApp Plus, përdoruesit do të kenë më shumë opsione personalizimi, përfshirë tema të reja, zile të personalizuara dhe menaxhim më të avancuar të bisedave.

Flaka