Për herë të parë në histori, një president sirian vizitoi Shtëpinë e Bardhë
Botuar nga Flaka
Për herë të parë në historinë e Shteteve të Bashkuara, një president sirian vizitoi Shtëpinë e Bardhë. Takimi mes presidentit amerikan Donald Tramp dhe presidentit sirian Ahmad al-Shara u konsiderua një ngjarje historike, duke shënuar një hap të rëndësishëm në marrëdhëniet mes dy vendeve. Trampi tha se Sharaa është “një lider shumë i fortë” dhe se ShBA-ja “do të bëjë gjithçka për ta bërë Sirinë të suksesshme”. Ai shtoi se ShBA-ja po punon së bashku me Sirinë dhe Izraelin për të përmirësuar marrëdhëniet midis dy vendeve.
“Kam arritur një marrëveshje me të. Ai është një lider shumë i fortë. Vjen nga një vend i vështirë dhe është një njeri i fortë. Më pëlqeu, u mirëkuptova me të. Presidenti i ri i Sirisë. Dhe ne do të bëjmë gjithçka që të bëjmë Sirinë të suksesshme, sepse kjo është pjesë e Lindjes së Mesme. Tani kemi paqe në Lindjen e Mesme, për herë të parë që kujtohet ndonjëherë.”, – deklaroi presidenti i ShBA-së, Donald Tramp.
Ndërkohë Al-Shara konsideron se Siria ka hyrë në një epokë të re politike.
“Kjo është hera e parë që një president sirian viziton Shtëpinë e Bardhë që nga themelimi i Sirisë në vitet ‘40 të shekullit të kaluar. Pas rënies së regjimit të mëparshëm, Siria ka hyrë në një epokë të re. Kjo do të ndërtojë një strategji të re me Shtetet e Bashkuara, sidomos me Amerikën.”, – theksoi presidenti i Sirisë, Ahmad al-Shara.
Takimi me Trampin fokusohej kryesisht në heqjen e sanksioneve amerikane që kishin paralizuar ekonominë siriane, përfshirjen e Damaskut në koalicionin kundër DEASH-së dhe mundësinë e normalizimit të marrëdhënieve me Izraelin. Administrata Tramp ka ndërmarrë hapa për të lehtësuar presionin diplomatik dhe ekonomik, duke hapur një kapitull të ri për Sirinë pas më shumë se 13 vjetësh luftë civile.
Botuar nga Flaka
SONDAZHE
Shkollat po mbyllen, fshatrat po zbrazen: alarmi demografik në Maqedoninë e Veriut
BALLKANI SOT
