Përditësim i ri WhatsApp për iOS, menaxhim më i mirë i hapësirës dhe dy llogari

WhatsApp ka nisur shpërndarjen e një përditësimi të ri për përdoruesit e iOS, duke sjellë disa funksione të shumëpritura që pritet të përmirësojnë ndjeshëm përvojën e përdoruesve.

Risia kryesore është mundësia për të përdorur dy llogari të ndryshme WhatsApp njëkohësisht në të njëjtin iPhone – një opsion që deri më tani ishte i disponueshëm vetëm për Android. Për të shmangur ngatërrimin, aplikacioni shfaq fotografinë e profilit të secilës llogari në shiritin e poshtëm të ekranit, duke e bërë më të lehtë identifikimin e llogarisë aktive.

Përditësimi përfshin gjithashtu përmirësime në transferimin e historisë së bisedave mes pajisjeve dhe platformave të ndryshme, duke lejuar kalimin nga iOS në Android pa humbje të të dhënave. Ky funksion pritet të ndihmojë përdoruesit që ndërrojnë telefon.

Ndër të tjera, janë shtuar mjete për menaxhimin e hapësirës, duke mundësuar fshirjen e skedarëve të mëdhenj direkt nga bisedat individuale, pa pasur nevojë të fshihet e gjithë biseda.

Në fokus të këtij përditësimi janë edhe funksionet e inteligjencës artificiale, të cilat lejojnë përdoruesit të përpunojnë fotot para dërgimit dhe të marrin sugjerime inteligjente gjatë shkrimit të mesazheve.

Ky update vjen si një përgjigje e WhatsApp ndaj nevojave të përdoruesve për më shumë fleksibilitet dhe efikasitet në komunikim.

Flaka