Rikthehet trafiku ajror në SHBA pas defektit masiv, mbi 6.600 fluturime të anuluara

Trafiku ajror në Shtetet e Bashkuara të Amerikës është rikthyer pas defektit të madh teknik që shkaktoi ndërprerjen kombëtare të nisjeve të avionëve dhe la dhjetëra mijëra udhëtarë të bllokuar në aeroporte.

Administrata Federale e Aviacionit e SHBA-së (FAA) e hoqi ndalimin të premten në orën 20:15 sipas kohës së Nju Jorkut, por autoritetet paralajmëruan se normalizimi i fluturimeve do të bëhet gradualisht.

Sipas të dhënave të publikuara, më shumë se 6.600 fluturime janë anuluar, ndërsa 8.600 të tjera janë vonuar. Ndërkohë, rreth 1.500 fluturime shtesë ishin anuluar paraprakisht edhe për të dielën.

Sekretari amerikan i Transportit, Sean Duffy, shpjegoi se problemet nisën në orën 15:36, kur u shfaqën paqëndrueshmëri në sistemet e radarëve dhe komunikimit të kontrollit të trafikut ajror.

Sipas tij, ndërprerësit dhe pajisjet e rrjetit që transmetojnë të dhëna kritike u mbingarkuan dhe filluan të dërgojnë informacione jokonsistente.

Për arsye sigurie, FAA urdhëroi ndalimin e përkohshëm të nisjeve të avionëve në të gjithë vendin.

Duffy theksoi se kontrolli i trafikut ajror në asnjë moment nuk i humbi plotësisht funksionet e radarit dhe komunikimit, duke mundësuar uljen e sigurt të mijëra avionëve.

Megjithëse defekti i drejtpërdrejtë është eliminuar, autoritetet amerikane paralajmërojnë se infrastruktura e vjetruar paraqet rrezik serioz për përsëritjen e incidenteve të tilla.

Sekretari i Transportit i kërkoi Kongresit të miratojë 50 miliardë dollarë për modernizimin e sistemit të kontrollit të trafikut ajror.

Ndërkaq, nga Departamenti i Sigurisë Kombëtare njoftuan se deri më tani nuk ka prova për ndonjë sulm kibernetik apo përfshirje të një sistemi të pakontrolluar të inteligjencës artificiale, ndërsa hetimet vazhdojnë.

Ky konsiderohet ndërprerja më serioze kombëtare e trafikut ajror në SHBA që nga sulmet terroriste të 11 shtatorit 2001.

Pavarësisht rikthimit të trafikut ajror, autoritetet paralajmërojnë se pasojat e ndërprerjes do të ndihen edhe gjatë ditëve në vijim, për shkak të anulimeve, vonesave dhe çrregullimit të orareve të fluturimeve.

• 
• 
• 
• 
• 
• 
• 

209

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Qeverisja aktuale VMRO-VLEN

142

Qeverisja e kaluar LSDM-BDI

50

Nuk kam informacion të mjaftueshëm për të gjykuar

17