Robotët ndihmojnë bletët mbretëresha: Projekti RoboRoyale në Austri

Studiuesit nga projekti RoboRoyale në Universitetin e Grazit në Austri po testojnë mikrorobotë që mund të mbështesin kolonitë e bletëve duke ndihmuar bletën mbretëreshë – thelbësore për riprodhimin e kolonisë. Robotët ushqejnë, pastrojnë dhe kujdesen për mbretëreshën, si dhe ndihmojnë në shpërndarjen e barabartë të feromoneve të saj.

Farshad Arvin, udhëheqës i projektit, thekson se qëllimi nuk është zëvendësimi i bletëve, por adaptimi ndaj ndryshimeve klimatike që po i bëjnë bletët të sillen si në pranverë edhe gjatë dimrit.

Hulumtime të ngjashme po kryhen edhe në MIT, ku dronët e vegjël ndihmojnë në polenizimin e të korrave. Megjithatë, ekspertët paralajmërojnë se zgjidhjet teknologjike nuk duhet të zëvendësojnë masat më të gjera për mbrojtjen e mjedisit.

Bletarët raportojnë se kolonitë po zbrazën çdo vit, për shkak të ndryshimeve klimatike, parazitëve dhe përdorimit të pesticideve. Bashkimi Evropian ka futur masa për mbrojtjen e bletëve, duke përfshirë ndalimin e importit të ushqimeve me mbetje të neonicotinoideve.

Përpjekjet për të ndalur rënien e numrit të bletëve dhe të pjalmuesve, thelbësorë për ekosistemet dhe prodhimin e ushqimit, mbeten një sfidë e madhe për BE-në, e cila planifikon krijimin e një sistemi të ri monitorimi deri në dhjetor 2026.

Flaka