Samsung gati për hapin më të madh në teknologjinë e palosshme

Samsung po shqyrton mundësinë për të prezantuar për herë të parë në Shtetet e Bashkuara celularin e saj të ri me tri palosje, një pajisje që përthyhet në dy pika për të krijuar një ekran të madh dhe fleksibël. Burime për CNN konfirmojnë se SHBA-të janë pjesë e planit të lançimit, edhe pse kompania ende po vlerëson tregjet ku do ta hedhë produktin më vonë gjatë këtij viti.

Ky hap është i rëndësishëm pasi Samsung zakonisht prezanton risitë e mëdha fillimisht në tregje si Koreja e Jugut dhe Kina. Konkurrenti Huawei ka prezantuar tashmë një model të ngjashëm, por produktet e tij nuk shiten në SHBA.

Në verë, Samsung prezantoi gjeneratën e shtatë të celularëve të palosshëm dhe paralajmëroi një version të ri të Galaxy S Edge për vitin e ardhshëm. Modeli me tri palosje pritet të jetë inovacioni më i madh në linjën e kompanisë që nga debutimi i parë i një telefoni të palosshëm në vitin 2019.

Samsung ka ndarë dy koncepte të pajisjes:

• Flex G – hapet si fletëpalosje
• Flex S – paloset si brenda ashtu edhe jashtë, duke krijuar formën “S” dhe duke ofruar tre ekrane në një pajisje.

Për vitin 2026, kompania do të prezantojë gjithashtu Galaxy S25 Edge, rivalin e drejtpërdrejtë të iPhone Air, duke ndjekur filozofinë e pajisjeve më të holla. Megjithatë, mbetet për t’u parë nëse kjo strategji do të rrisë shitjet, pasi raportet e fundit tregojnë se Galaxy S25 Edge nuk ka përmbushur pritshmëritë në treg.

Flaka