SHBA pezullon sulmet ndaj infrastrukturës energjetike iraniane, por tensionet vazhdojnë
Botuar nga Drin Zenku
Shtetet e Bashkuara kanë njoftuar se do të pezullojnë sulmet ndaj centraleve dhe infrastrukturës energjetike të Iranit për pesë ditë, pas bisedimeve që presidenti Donald Trump i ka cilësuar si “frytdhënëse” me Teheranin. Trump shprehet optimist për një zgjidhje përfundimtare të konfliktit në Lindjen e Mesme.
“E kam udhëzuar Departamentin e Luftës që t’i pezullojë të gjitha sulmet ushtarake ndaj centraleve energjetike dhe infrastrukturës energjetike iraniane për një periudhë pesëditore, në varësi të suksesit të takimeve dhe diskutimeve në vazhdim”, deklaroi presidenti amerikan.
Megjithatë, pavarësisht këtij vendimi, Izraeli ka kryer sërish sulme ndaj objektivave iraniane në Teheran. Bisedimet mes Uashingtonit dhe Teheranit u zhvilluan në kuadër të një ultimatum 48-orësh, ku Trump kërcënoi se nëse Irani nuk hap plotësisht Ngushticën e Hormuzit, do të sulmonte centralet energjetike iraniane.
Sulmet dhe kundërpërgjigjet kanë shkaktuar viktima dhe dëme të mëdha. Sipas HRANA, që nga 28 shkurti, mbi 3,000 persona janë vrarë në konfliktet në Lindjen e Mesme, ndërsa sulmet e Iranit ndaj Izraelit kanë plagosur rreth 180 persona. Konflikti ka ndikuar gjithashtu në tregjet globale, ka rritur çmimet e karburantit dhe ka tronditur aleancën perëndimore.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
