Skender Rexhepi: Kur Gjykata Kushtetuese hyn në politikë, shteti pushon së qenë shtet i së drejtës
Botuar nga Flaka
Skender Rexhepi – Zejd, lider i Lëvizjes Populli dhe deputet, ka kritikuar ashpër kryetarin e Gjykata Kushtetuese e Maqedonisë së Veriut për deklaratat e tij të fundit rreth përdorimit të emailit dhe celularit nga qytetarët.
Sipas Rexhepit, “Kur Gjykata Kushtetuese braktis rolin e saj për të mbrojtur Kushtetutën dhe hyn në fushën e politikës, madje politikës me ngjyrë nacionaliste dhe antishqiptare, atëherë shteti pushon së qenë shtet i së drejtës.”
Deputeti shtoi se “Në vend që të japë argumente juridike, kryetari i këtij institucioni shkel Kushtetutën dhe abuzon me të drejtën e përdorimit të gjuhës shqipe si gjuhë e dytë zyrtare në Maqedoninë e Veriut.”
Rexhepi paralajmëroi se pasojat e vendimeve të padrejta janë afatgjata: “Historia na ka mësuar se vendimet e padrejta mund të zgjasin pak, por pasojat e tyre zgjasin shumë më gjatë.”
Ai komentoi edhe deklaratën e kryetarit për përdorimin e kalit si “mjet udhëtimi”: “Përmendja e kalit nuk ishte këshillë ironike, më shumë ishte reflektim i mentalitetit mesjetar i këtij institucioni.”
Rexhepi e sheh këtë situatë si një paralajmërim për rënien e drejtësisë kushtetuese dhe për rrezikun që shteti të humbasë standardet e së drejtës. Gazeta Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
