YouTuberi bullgar publikon mesazhe dhe biseda telefonike: Pretendon se Iva Mihailova e kishte lutur ta fshinte videon

Flaka
Botuar nga Flaka 18 Nëntor, 2026 10:39

YouTuberi bullgar publikon mesazhe dhe biseda telefonike: Pretendon se Iva Mihailova e kishte lutur ta fshinte videon

YouTuber-i bullgar Stanislav Canov ka publikuar një video të re, në të cilën paraqet mesazhe dhe pjesë nga biseda telefonike me Iva Mihailova dhe nënën e saj, Hristina. Ai pretendon se ato janë përpjekur ta bindin që të tërhiqte videon e mëparshme, ku fliste për presione të pretenduara nga Agjencia Shtetërore e Sigurisë Kombëtare e Bullgarisë (DANS).

Sipas Canovit, Mihailova i kishte shkruar vetëm pak minuta pas publikimit të videos së parë, duke shprehur frikë për sigurinë e saj dhe të prindërve.

“Më telefono menjëherë. Përgjigju, sepse të gjithë do të vdesim që sonte”, është një nga mesazhet që Canov paraqet në videon e re.

YouTuber-i pretendon se Mihailova i kishte kërkuar ta hiqte incizimin, nga frika e pasojave për shkak të deklaratave që kishte bërë më herët. Sipas tij, mesazhet më pas ishin fshirë, por ai kishte arritur ta regjistronte paraprakisht korrespondencën.

Në videon e publikuar paraqitet edhe një pjesë e një bisede telefonike me një grua, për të cilën Canov pretendon se është nëna e Mihailovës. Gjatë bisedës, ajo kërkon që të mos përmenden shërbimet e sigurisë, duke thënë se ky është kushti i saj i vetëm dhe se, në të kundërtën, mund të likuidohet.

Canov thotë se disponon incizimet e plota audio të bisedave, të cilat, sipas tij, zgjasin më shumë se dy orë, dhe shprehet i gatshëm t’i dorëzojë ato për verifikim.

Më herët, Canov kishte publikuar një incizim të një bisede me Mihailovën, në të cilën ajo fliste për presione të pretenduara nga DANS, të lidhura me paraqitjet e saj në media dhe kushtet për sigurimin e ndihmës për trajtim mjekësor dhe mbështetje juridike.

Sipas pretendimeve të saj të atëhershme, asaj i ishte kërkuar që fillimisht të jepte një intervistë te gazetari Martin Karbovski, ndërsa nëse do të paraqitej paraprakisht në ndonjë media tjetër, mund të humbiste mbështetjen për rehabilitim dhe avokatë. Më pas, Mihailova u paraqit në emisionin e Karbovskit.

Megjithatë, më 15 nëntor, ajo përmes një postimi në rrjetet sociale deklaroi se askush në Bullgari nuk e kishte detyruar të bënte diçka kundër vullnetit të saj.

“Këtu kam marrë ndihmë, kujdes dhe mbështetje”, shkroi Mihailova, duke i bërë thirrje publikut që ta lërë të qetë, në mënyrë që të përqendrohet te trajtimi.

Ndërkohë, DANS-i bullgar i hodhi poshtë akuzat, duke deklaruar se zyrtarët e saj nuk kanë ushtruar presion ndaj Mihailovës. Agjencia theksoi gjithashtu se origjina e incizimeve të publikuara nuk është konfirmuar dhe se pretendimet e paraqitura nuk janë dëshmuar.

Edhe gazetari Martin Karbovski i mohoi pretendimet se është agjent i DANS-it.

Flaka Media

19

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 18 Nëntor, 2026 10:39
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
19

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë