Imrane Veliu Aliu zgjidhet kryetare e Forumit të Gruas të BDI-së në Çair

Dega e Bashkimit Demokratik për Integrim në Çair ka njoftuar se Imrane Veliu Aliu është zgjedhur kryetare e Forumit të Gruas të kësaj dege.

Në njoftimin e Degës së BDI-së në Çair theksohet se Veliu Aliu sjell në këtë detyrë një përvojë të gjatë profesionale dhe publike, të ndërtuar në media, institucione shtetërore dhe në jetën publike.

“Me një përvojë shumëvjeçare profesionale dhe publike, të ndërtuar në media, institucione shtetërore dhe në jetën publike, Imrane Veliu Aliu sjell në këtë detyrë një kombinim të veçantë të përvojës institucionale, komunikimit publik, angazhimit shoqëror dhe formimit akademik”, thuhet në njoftim.

Sipas Degës së Çairit, Imrane Veliu Aliu është magjistre e Shëndetit Publik, ndërsa është e diplomuar në fushën e arsimit pranë Universitetit “Shën Kirili dhe Metodi” në Shkup.

Në njoftim gjithashtu theksohet se ajo është e martuar dhe nënë e dy fëmijëve.

“Ajo e njeh nga afër përgjegjësinë dhe përkushtimin që kërkojnë familja, profesioni dhe angazhimi në shoqëri”, thuhet më tej.

Dega e Çairit thekson se Veliu Aliu ka ndërtuar një karrierë të gjatë profesionale në media, përfshirë televizionin shtetëror dhe televizione lokale, ku ka fituar përvojë në komunikim, informim dhe çështje me interes publik.

Më pas, sipas njoftimit, përvoja e saj profesionale është zgjeruar edhe në institucionet shtetërore, përfshirë angazhimin shumëvjeçar në Ministrinë e Shëndetësisë, si dhe drejtimin e sektorit të sterilizimit në nivel republikan.

“Me këtë përvojë, energji dhe përkushtim, ajo merr përgjegjësinë për të udhëhequr Forumin e Gruas të Degës së Çairit, me synimin për ta forcuar rolin, zërin dhe pjesëmarrjen e grave në jetën publike dhe shoqërore”, deklaron Dega e BDI-së në Çair.

Në fund të njoftimit, Dega e Çairit i ka uruar suksese Veliu Aliut në detyrën e re dhe ka shprehur bindjen se përvoja e saj do të jetë vlerë e shtuar për punën e Forumit të Gruas.

“Dega e Çairit i uron suksese në këtë përgjegjësi të re dhe beson se përvoja e saj dhe përkushtimi ndaj qytetarëve do të jenë vlerë e shtuar për punën e Forumit të Gruas. Suksese, Kryetare!”, thuhet në njoftim. Gazeta Flaka

23

„Duke pasur parasysh protestat në shtetet e rajonit dhe të botës, a mendoni se edhe Maqedonia e Veriut do të përfshihet në këtë valë të protestave sociale?“

Po, është koha.

17

Jo, nuk mendoj.

6

Nuk ka arsye për të protestuar.

0