Vrasësi i dyshuar i policit në Fier foto me deputetin e PD, reagon Luan Baçi: Në 2021 ishte i ndershëm, s’më impresiononi dot

Botuar nga Flaka 14 Maj, 2024 19:42

Autori i dyshuar i vrasjes së efektivit të policisë në Fier ditën e djeshme, Azgan Mërnica ka qenë ndër përkrahësit e deputetit të PD-së Luan Baçi në zgjedhjet e vitit 2021.

Në media u publikua një foto e deputetit demokrat me një grup mbështetësish të tij 3 vjet më parë, mes të cilëve edhe Mërnica, ku Baçi shkruan se “Me të tillë djem ka vetëm fitore. Jemi gati për mbrojtjen e votës”.

Lidhur me këtë foto të publikuar sot, deputeti demokrat Luan Baçi ka reaguar gjatë protestës përballë Bashkisë së Tiranës.

Ai tha se në vitin 2021 Azgan Mërnica ishte një qytetar i ndershëm, teksa e dënoi vrasjen e një dite më parë.

“E njoh Azgan Mërnicën. Në 2021 ka bërë foto me mua, nuk ka qenë kriminel, por familjar dhe i ndershëm. E dënoj veprimin e tij. Shpreh keqardhje. Më kot mundoheni të më impresiononi me foto të tilla. Disa patronazhistë dhe bravistë që kanë ardhur edhe ne tani, unë jam Luan Baçi dhe nuk tërhiqem as nga SPAK, BKH dhe asnjë presion tjetër. Qytetarët e Tiranës dhe Shqipërisë duhet të jenë çdo ditë këtu”, tha Luan Baçi.

Botuar nga Flaka 14 Maj, 2024 19:42

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.