Kavadar: Hetim ndaj drejtueses së një filiali të kursimores, dyshohet se përvetësoi paratë e depozituesve

Prokuroria Themelore Publike në Kavadar ka nisur procedurë ndaj drejtueses së një filiali të kursimores në qytet, nën dyshimin se për një periudhë të gjatë ka keqpërdorur paratë e qytetarëve që kishin depozita në këtë institucion. Ajo dyshohet se ka realizuar kredi fiktive në emër të klientëve dhe ka evidentuar në mënyrë të parregullt depozitat e tyre.

Prokuroria Themelore Publike në Kavadar ka iniciuar procedurë hetimore ndaj një drejtueseje të filialit të një kursimoreje në qytet, për shkak të dyshimeve se ka keqpërdorur mjetet financiare të depozituesve për përfitime të kundërligjshme pasurore.

Sipas njoftimit të Prokurorisë, ekziston dyshim i bazuar se e dyshuara, gjatë një periudhe më të gjatë, ka realizuar kredi fiktive në emër të qytetarëve të dëmtuar dhe ka regjistruar në mënyrë të parregullt depozitat e tyre, duke përfituar në mënyrë të kundërligjshme.

Procedura ndaj saj zhvillohet për dyshime për veprat penale keqpërdorim të pozitës dhe autorizimit zyrtar, dëmtim dhe hyrje të paautorizuar në sistem kompjuterik, si dhe përvetësim gjatë ushtrimit të detyrës zyrtare.

Me kërkesë të prokurorit publik dhe me urdhër gjykate, gjatë ditës së djeshme janë kryer disa kontrolle për sigurimin e provave. Gjatë tyre janë sekuestruar dokumentacion dhe sende të tjera që lidhen me rastin.

Nga Prokuroria bëjnë të ditur se, pas zbulimit të veprimeve të dyshimta, kursimorja ia ka ndërprerë marrëdhënien e punës të dyshuarës.

Për shkak të rrezikut të arratisjes, prokurori publik ka propozuar caktimin e masave të kujdesit, përfshirë konfiskimin e dokumentit të udhëtimit dhe detyrimin për paraqitje të rregullt në gjykatë.

Prokuroria njofton se po vazhdon me ndërmarrjen e veprimeve hetimore për të sqaruar plotësisht rastin dhe për të përcaktuar të gjitha rrethanat e tij.

23

„Duke pasur parasysh protestat në shtetet e rajonit dhe të botës, a mendoni se edhe Maqedonia e Veriut do të përfshihet në këtë valë të protestave sociale?“

Po, është koha.

17

Jo, nuk mendoj.

6

Nuk ka arsye për të protestuar.

0