Tre të arrestuar dhe 18 nën hetim pas protestës në Tiranë, mes tyre edhe një 15-vjeçar

Tina Baliu
Botuar nga Tina Baliu 15 Nëntor, 2026 11:35

Tre të arrestuar dhe 18 nën hetim pas protestës në Tiranë, mes tyre edhe një 15-vjeçar

Tre persona janë arrestuar dhe 18 të tjerë janë vënë nën hetim nga Policia e Tiranës, pas incidenteve të regjistruara gjatë protestës së zhvilluar një ditë më parë në kryeqytetin shqiptar.

Policia ka njoftuar gjithashtu vendosjen e 44 gjobave administrative. Dy prej tyre janë në vlerë prej 500 mijë lekësh të reja secila, ndërsa 42 të tjerat nga 5 mijë lekë.

Mes të arrestuarve është edhe një i mitur 15-vjeçar, ndaj të cilit rëndojnë disa akuza penale, përfshirë organizimin dhe pjesëmarrjen në grumbullime të paligjshme, prishjen e rendit dhe qetësisë publike, pengimin e qarkullimit të mjeteve të transportit, shkatërrimin e pronës dhe mosbindjen ndaj urdhrave të policisë.

Protesta e fundit është karakterizuar nga pjesëmarrje më e ulët krahasuar me tubimet e të shtunave të mëparshme. Megjithatë, gjatë saj janë regjistruar disa incidente. Disa protestues u kanë vënë flakën koshave të mbeturinave përpara Ministrisë së Arsimit, kanë bllokuar qarkullimin në zonat e Zogut të Zi dhe 21 Dhjetorit, ndërsa është tentuar edhe thyerja e derës së Kryesisë së Kuvendit.

Protestat në Tiranë kanë nisur më 13 tetor, fillimisht me studentët, të cilët kërkonin përmirësimin e kushteve në arsim dhe dorëheqjen e kryeministrit Edi Rama. Më pas, lëvizjes iu bashkuan edhe qytetarë të tjerë.

Javët e para u shoqëruan me episode të shumta dhune, djegie dhe sulme ndaj institucioneve qeveritare, si dhe përplasje të ashpra mes protestuesve dhe forcave të policisë.

Pas këtyre zhvillimeve, qeveria hartoi një plan masash për ndëshkimin e pjesëmarrësve në tubimet e dhunshme.

Së fundmi, para Kryeministrisë janë mbledhur kryesisht grupe më të vogla qytetarësh, të cilët vazhdojnë të protestojnë kundër qeverisë. Ndërkohë, në organizimin e protestave është përfshirë edhe Partia Demokratike, e cila e ka cilësuar angazhimin e saj si mbështetje për kërkesat e studentëve.

302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Tina Baliu
Botuar nga Tina Baliu 15 Nëntor, 2026 11:35
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

NDRYSHE

NDRYSHE

    No posts where found

Lexo më shumë