Ademi: BDI e paska detyruar VLEN-in për gjithçka, madje edhe për Alta Bankën serbe të Vuçiqit

Flaka
Botuar nga Flaka 15 Nëntor, 2026 16:07

Ademi: BDI e paska detyruar VLEN-in për gjithçka, madje edhe për Alta Bankën serbe të Vuçiqit

Arbër Ademi ironizon deklaratat e VLEN-it ndaj opozitës: „Sot nuk u zhytën, por u mbytën!“

Deputeti i BDI-së, Arbër Ademi, ka reaguar me një deklaratë ironike ndaj qëndrimeve të VLEN-it dhe përpjekjeve të kësaj partie për t’ia atribuar BDI-së përgjegjësinë për zhvillimet politike dhe vendimet e qeverisë.

„U mbars mali, polli një mi!“, shkruan Ademi, duke iu referuar një pyetjeje të gazetarit maqedonas, për të cilën thotë se zbuloi kontradiktat në argumentimin e përfaqësuesve të pushtetit.

Sipas Ademit, ironia qëndron në faktin se, sipas logjikës së VLEN-it, BDI qenka përgjegjëse edhe për vendimet dhe veprimet e qeverisë aktuale.

Në listën e tij, Ademi përmend zgjedhjen e Stoiljkoviqit, ardhjen e Milorad Dodikut, parakalimin e ushtrisë serbe në vend, hyrjen e MTEL-it serb, përmendjen e „botës serbe“ në raportin evropian, si dhe çështjet e gjuhës shqipe, flamurit kombëtar dhe Marrëveshjes së Ohrit.

Ai përmend gjithashtu mosrealizimin e premtimeve për 10.000 euro për qytetarët, mosmbylljen e kazinove, bastoreve dhe kredive të shpejta, si dhe mosndryshimin e Kushtetutës dhe ngecjen në rrugën drejt Bashkimit Evropian.

„Dhe, së fundmi, BDI e paska detyruar me sukses që ta nënshkruajë lejen për Alta Bankën serbe të Vuçiqit në Maqedoni“, thekson Ademi.

Akuza për shitjen e pronave të konfiskuara

Në pjesën përmbyllëse të reagimit, Ademi ngre edhe çështjen e shitjes së pasurive të konfiskuara në kuadër të rastit gjyqësor „Imperia“.

Ai pretendon se gjatë kohës kur BDI ishte në pushtet, shteti kishte marrë 20 milionë euro nga personat e akuzuar në këtë rast dhe se përmes Agjencisë për Menaxhimin e Pronës së Konfiskuar ishte vendosur që këto pasuri të nxirreshin në shitje.

Sipas tij, shitja është realizuar vetëm pasi VLEN-i erdhi në pushtet, duke e lidhur këtë zhvillim me hyrjen e Alta Bankës në tregun maqedonas dhe nënshkrimin e Bujare Abazit.

„Sot nuk u zhytën, por u mbytën!“, përfundon Ademi reagimin e tij.

Deklaratat e deputetit përbëjnë qëndrimin politik të BDI-së, ndërsa pretendimet lidhur me procedurën e shitjes së pronave të konfiskuara dhe rolin e Bujare Abazit kërkojnë verifikim të mëtejshëm dokumentar.

302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Flaka
Botuar nga Flaka 15 Nëntor, 2026 16:07
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

NDRYSHE

NDRYSHE

    No posts where found

Lexo më shumë