Në Hungari sekuestrohen miliarda para të gatshme, të fshehura në pyje dhe objekte të ndryshme

Flaka
Botuar nga Flaka 15 Nëntor, 2026 21:04

Në Hungari sekuestrohen miliarda para të gatshme, të fshehura në pyje dhe objekte të ndryshme

Zyra Kombëtare Hungareze për Rikuperimin dhe Mbrojtjen e Pasurisë (NVVH) ka publikuar një video të re, në të cilën shfaqet një sasi e madhe parash të gatshme të sekuestruara gjatë hetimeve ndaj Miklós Sesztákut, ish-ministër në qeverinë e Viktor Orbánit dhe anëtar i partisë Fidesz.

“Pas përfundimit të operacionit, përveç fotografive, u realizua edhe një video e shkurtër, në të cilën paraqiten mjetet financiare të vendosura në kasafortë: 5.071.632.000 forinta, 2.658.350 euro dhe 1.257.100 dollarë amerikanë”, njoftoi agjencia.

Një muaj e gjysmë pas ndalimit të Sesztákut, më 12 dhe 13 nëntor 2026, NVVH zhvilloi aksione të koordinuara hetimore në Budapest dhe në qarqet Pest, Békés dhe Nógrád.

Gjatë kontrolleve, hetuesit zbuluan para të gatshme në vlerë prej rreth 6 deri në 6,5 miliardë forintash, në valuta të ndryshme. Paratë ishin groposur në pyje, fshehur në objekte bujqësore e depo, si dhe në hapësira banimi. Një pjesë e tyre ishte ruajtur edhe në një kasafortë me siguri të lartë, në një lokacion të largët.

Mes shumave të sekuestruara, hetuesit gjetën edhe kartëmonedha prej 500 eurosh, një prerje që po bëhet gjithnjë e më e rrallë. Për shkak të përdorimit të shpeshtë në pastrimin e parave dhe krimin e organizuar, kjo kartëmonedhë dikur mori nofkën “Bin Laden”.

Banka Qendrore Evropiane ndaloi emetimin e kartëmonedhave prej 500 eurosh në vitin 2019, pikërisht për shkak të shqetësimeve se ato mund të lehtësonin aktivitetet kriminale. Një milion euro në këtë prerje peshon vetëm rreth 2,2 kilogramë dhe mund të transportohet në një çantë të vogël për laptop.

Megjithatë, kartëmonedhat prej 500 eurosh vazhdojnë të kenë vlerë dhe mbeten mjet ligjor pagese. Ato mund të këmbehen në bankat qendrore të vendeve të eurozonës pa kufizim kohor.

Si i zbuluan hetuesit vendet ku ishin fshehur paratë?

Deri më tani, autoritetet nuk kanë bërë të ditur zyrtarisht se si kanë arritur t’i identifikojnë lokacionet ku ishte fshehur kjo shumë e madhe parash.

Avokati Botond Filep, i njohur edhe si “prokurori i fshatit”, publikoi në rrjetet sociale një supozim se njëri prej të dyshuarve mund të ketë lidhur marrëveshje për pranimin e fajësisë dhe të ketë zbuluar vendndodhjen e parave. Ai theksoi se një marrëveshje e tillë nuk do të thotë domosdoshmërisht se personi ka dhënë informacione vetëm për paratë e fshehura.

“Nëse arrestimi i një dite më parë ishte rezultat i një marrëveshjeje me Sesztákun ose me ndonjë të dyshuar tjetër – pra, i një marrëveshjeje për pranimin e fajësisë – nuk është e sigurt se i vetmi detyrim i të dyshuarit ka qenë të zbulojë vendet ku ishin fshehur paratë”, shkroi Filep.

Ai shtoi se ekziston edhe mundësia që një person, i cili për çfarëdo arsye e dinte vendndodhjen e parave, të ketë dhënë dëshmi para autoriteteve.

Ndërkohë, avokati i Sesztákut, Gábor Pap, deklaroi për portalin informativ hungarez “Telex” se askush nuk ka pretenduar se paratë e gjetura i përkasin klientit të tij.

Ai theksoi se në këtë rast ka disa të dyshuar dhe se paratë e sekuestruara nuk i përkasin Sesztákut. Avokati refuzoi të japë më shumë hollësi, duke u arsyetuar se bëhet fjalë për informacione konfidenciale ndërmjet tij dhe klientit.

Reagimet politike në Hungari

Për sekuestrimin reagoi edhe partia Fidesz, e cila në një komunikatë të shkurtër shprehu shpresën se pamjet nuk kanë asnjë lidhje me ish-ministrin.

Nga kjo parti shtuan se koalicioni Fidesz-KDNP “nuk mund të lidhet me askënd që nuk i përmbahet betimit të tij”.

Ndërkaq, Péter Magyar e komentoi disa herë aksionin, duke vlerësuar se ai dëshmon edhe një herë se si “Orbán po shndërrohet nga politikan në bos mafioz”.

“Ndërsa çdo ditë shfaqen gjithnjë e më shumë dëshmi se si mafia e Orbánit e ka plaçkitur vendin tonë, partia Tisza ka përmbushur tashmë shumë nga premtimet e saj kryesore brenda vetëm gjashtë muajve. Po ecim përpara. Hap pas hapi”, deklaroi Magyar. Flaka

302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Flaka
Botuar nga Flaka 15 Nëntor, 2026 21:04
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

NDRYSHE

NDRYSHE

    No posts where found

Lexo më shumë