Geer: Jemi të gatshëm të punojmë me qeverinë e re dhe me të gjithë ata që mbështesin procesin e reformës

Ambasadori i Bashkimit Evropian në vend, David Geer, tha se është në interesin e vendit tonë të vazhdojë rrugën e BE-së dhe se Unioni është i gatshëm të punojë me qeverinë e re dhe të gjithë ata që mbështesin procesin e reformës, përcjell FLAKA.

“Mesazhi im do të ishte për qeverinë dhe, në fakt, për të gjithë vendin. Unë besoj se interesi i këtij vendi është të vazhdojë në rrugën drejt Bashkimit Evropian. Ne në Bashkimin Evropian jemi të gatshëm të punojmë me qeverinë e re dhe të gjithë ata që mbështesin procesin e reformave, i cili është i nevojshëm për anëtarësimin në Bashkimin Evropian dhe do të bëjmë gjithçka që mundemi për ta ndihmuar këtë vend të përparojë në rrugën e tij drejt BE-së”, tha ai Geer.

Është një detyrë, shtoi ambasadori evropian, e cila do të jetë para së gjithash për qeverinë, por jo vetëm për të, por, tha ai, do të kërkojë edhe mbështetjen e të gjithë aktorëve kryesorë nga i gjithë spektri politik.

“Me fjalë të tjera, zgjerimi duhet të jetë një projekt kombëtar që do t’i bashkojë të gjithë për të punuar në reformat, për të zbatuar masat e nevojshme, në mënyrë që të anëtarësojmë sa më shpejt në Bashkimin Evropian”, tha Geer në një deklaratë para hapjes së ekspozita “Të bashkuar në diversitet” me rastin e 20 vjetëve nga zgjerimi më i madh i Bashkimit Evropian. FLAKA