BDI: Qeveria e Mickoskit po e izolon vendin, kërkojmë zgjedhje të parakohshme

Botuar nga Flaka 14 Maj, 2025 08:15

Bashkimi Demokratik për Integrim ka reaguar ashpër ndaj qeverisë së re të Hristijan Mickoskit, duke e akuzuar atë për sjellje të papërgjegjshme që, sipas BDI-së, po e rrezikon seriozisht të ardhmen evropiane të Maqedonisë së Veriut, transmeton Flaka

Në një kumtesë të publikuar sot, BDI thekson se edhe pse integrimi evropian u shpall si prioritet kryesor i qeverisë së re, realiteti është krejt tjetër. “Kryeministri dhe rrethi i tij më i ngushtë janë tërhequr krejtësisht nga dosja evropiane – tashmë pa asnjë përpjekje për ta fshehur këtë në paraqitjet publike,” thuhet në reagim.

Sipas BDI-së, qeveria aktuale jo vetëm që refuzoi në mënyrë absurde ndryshimet kushtetuese për përfshirjen e disa pakicave, por vetë Mickoski po mburret se ka mashtruar Greqinë përmes shkeljes së Marrëveshjes së Prespës, përfshirë shmangien e përdorimit të emrit “Maqedonia e Veriut”.

Kritika të forta drejtohen edhe ndaj diskursit të brendshëm që, sipas BDI-së, është histerik dhe i fokusuar në akuza të ndërsjella për “tradhti”. Në të njëjtën kohë, qeveria po përkeqëson marrëdhëniet me fqinjët dhe partnerët ndërkombëtarë përmes një retorike konfrontuese.

“Vendi po lidh partneritete të dyshimta me autokratë, po merr financime nga burime të paqarta dhe po paralajmëron hyrjen e bizneseve me reputacion problematik”, paralajmëron BDI, duke shtuar se Maqedonia e Veriut sot është më e izoluar se kurrë më parë.

BDI përfundon se vendi ka nevojë për një platformë të re politike dhe një vizion të qartë evropian. “Kjo qeveri e ka humbur plotësisht legjitimitetin për ta udhëhequr këtë proces. Zgjidhja e vetme janë zgjedhjet e parakohshme parlamentare,” përfundon kumtesa. Flaka Media

Botuar nga Flaka 14 Maj, 2025 08:15

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.