Miratohet raporti – Parlamenti Evropian: Ndikim rus dhe kinez përmes Serbisë dhe Hungarisë!

Parlamenti Evropian ka shprehur shqetësim të thellë për ndikimin e fushatave të dezinformimit dhe ndërhyrjeve të huaja në Maqedoninë e Veriut dhe vendet tjera të Ballkanit Perëndimor që janë në procesin e integrimit në Bashkimin Evropian.

Në një rezolutë të miratuar së fundmi, eurodeputetët ngritën alarmin për rolin e qeverive të Hungarisë dhe Serbisë në përkrahje të objektivave gjeopolitike të Rusisë dhe Kinës në rajon.

“Sot miratuam raportin e parë për Maqedoninë e Veriut që nga viti 2022. Si raportues, punova pa u lodhur për një raport të ekuilibruar dhe të paanshëm mbi progresin demokratik të këtij vendi,” deklaroi eurodeputeti Thomas Waitz (Të Gjelbrit, Austri), raportuesi për Maqedoninë e Veriut.

Ai theksoi se vendi ka qenë një shembull pozitiv në rajon, duke bërë ndryshime të guximshme për t’iu afruar standardeve evropiane:

“Maqedonia e Veriut ka qenë një lider në rajon, duke treguar angazhim të vërtetë ndaj vlerave të BE-së, përfshirë ndryshimin historik të emrit dhe reformat e thella. Por pranimi i saj është bllokuar padrejtësisht për shkak të mosmarrëveshjeve dypalëshe, gjë që ka nxitur frustrim të madh publik me BE-në.”

Me 461 vota pro, 121 kundër dhe 107 abstenime, raporti u miratua nga shumica e eurodeputetëve. Flaka kishte publikuar pjesë të këtij raporti dhjetë ditë më parë, duke nxitur debat të fortë në opinionin publik.

Reagimet politike në Maqedoninë e Veriut nuk munguan. Opozita shqiptare akuzoi qeverinë për “lejimin e ndikimit të konceptit të ‘Botës Serbe’ në institucionet vendore”, duke e parë si një rrezik për rrugën euroatlantike të vendit. Ndërkohë, nga kampi i koalicionit qeverisës, VLEN e drejtoi gishtin nga BDI, duke e cilësuar debatin si “mjegullën e radhës për të mbuluar dështimet”.

Lexo rreth lajmit: Tomas Waitz: “Bota serbe” po zhvat sovranitetin e Maqedonisë së Veriut nën drejtimin e Mickoskit

Evropa ngrit alarmin për ndikimin serbo-rus – VLEN thotë të kundërtën. Kujt t’i besojmë?

Parlamenti Evropian: “Bota Serbe” rrezikon sovranitetin e Maqedonisë 

Bujar Osmani: Shteti është shndërruar në proksi të “Botës Serbe”, shqiptarët po poshtërohen!

ASH: Shqetësimi i Brukselit për “Botën Serbe” në RMV – Taravari paralajmëroi prej kohësh!

“Bota Serbe” nën akuzë në draft-rezolutën e BE-së – ‘Flaket’ skena politike në Shkup!

ASH: “Bota Serbe” po shtrihet në Maqedoni me mbështetje shtetërore

Gazetari Arben Retkoceri: “Kjo është Bota Serbe – me zë dhe figurë në mes të Maqedonisë, me përkrahje shtetërore”

SH: Bota Serbe dhe heshtja e VLEN – një rrezik i madh për shqiptarët dhe sovranitetin e shtetit

Mickoski nuk pranon se qeveria e tij është nën ndikimin e Botës serbe

ASH: Shkupi i rrethuar nga ndikimi Botës Serbe – Anketa tregon: Rinia, viktimë e politikave që e largojnë BE-në

PE ngre alarmin: Mediat serbe dhe rrjetet ruse synojnë të zhbëjnë integrimin europian të RMV-së

Brukseli konfirmon paralajmërimet tona, Maqedonia e Veriut nën kontroll të “Botës serbe”

Taravari: Ndikimi rus përmes Serbisë është problemi i madh me “Ballkanin e Hapur”