Skandal i ri me librat shkollorë, Kosova quhet Metohi dhe pjesë e territorit të Serbisë

Botuar nga Flaka 8 Dhjetor, 2025 16:03

Një foto e shpërndarë në rrjetet sociale ka shkaktuar një skandal të madh sa i përket arsimit në Maqedoninë e Veriut. Analistja Nafie Selmani ka publikuar një foto ku shkruhet se Kosova quhet “Metohi” dhe se i përket territorit të Rerpublikës së Serbisë.

Ajo akuzon partinë në puishtet “VLEN” dhe kryeministrin e Kosovës Albin Kurti, pasi si dy aleatë, nuk do të duhej ta lejonin këtë gjë sipas saj.

“A është për burrat e VLEN-it Kosova – Kosovë, apo “Metohia”, ashtu siç figuron në librin e Gjeografisë për klasën e shtatë, botim i vitit 2025?

Dhe a është i njoftuar për këtë emërtim mbështetësi i tyre më i madh politik, kryeministri i Kosovës, ai që shquhej për deklarata nacionaliste? A pajtohet edhe ai që Kosova qenka “Metohi”?

A nuk u vjen pak turp burrave të VLEN-it që nuk arrijnë të mbrojnë as gjënë më elementare të identitetit tonë kombëtar? Apo, sipas zakonit, fajin e ka sërish Ali Ahmeti, Taravari, ai, ata, unë…të gjithë vetëm ata nuk kanë faj?

Sa herë duhet t’ju poshtërojnë ata juve, pastaj ju neve, pastaj prapë ata juve, vetëm për atë kockë të vogël pushteti që ua kanë hedhur në sofrën e pushtetit?

A keni të paktën një grimcë guximi politik për të kërkuar tërheqjen e këtij botimi skandaloz, e të provoni se vërtet ekzistoni pak përtej rolit dekorativ në qeveri?”, shkruan Selmani.

Një pjesë të Kosovës, Serbia e quan “Metohi” me simbolike politike dhe fetare duke e konsideruar si pjesë të saj. Këtë pretendim të Serbisë e pasqyron libri zyrtar i Gjeografisë në shkollat shtetërorë të Maqedonisë së Veriut, shkruan Top Channel, transmeton Gazeta Flaka.

Sakaq, Selmani në një lidhje live në Euronews Albania e ka cilësuar këtë një skandal dhe një gabim të rëndë. Ajo theksoi se botimi i librit të gjeografisë së klasës së 7-të është publikuar në gushtin e këtij viti dhe se termi Metohi është një gabim i rëndë identitar.

“Teksti është i librit të gjeografisë konkretisht të klasës së 7-të. Fotoja erdhi nga një prind i shqetësuar nga ky skandal sepse nuk mund ta llogarisim një lapsus të tillë pasi libri është publikuar në gusht 2025 dhe i ka kaluar të gjitha filtrave që kërkohen konform i ligjeve aktuale të Maqedonisë së Veriut. Rajonit të Dukagjinit i referohet si Metohi dhe është një gabim i rëndë historik dhe identitar”, u shpreh ajo. Gazeta Flaka

Botuar nga Flaka 8 Dhjetor, 2025 16:03

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.