Arbër Ademi: Jeton Karakamishevan, a e keni dëgjuar ndonjëherë të thotë: “UÇK-ja bëri luftë të drejtë”…

Arbër Ademi: Jeton Karakamishevan, a e keni dëgjuar ndonjëherë të thotë: “UÇK-ja bëri luftë të drejtë”, “drejtuesit e UÇK-së janë të pafajshëm”, “UÇK-ja është e pastër si loti”?

“Jo. As nuk do ta dëgjoni. Nuk guxon!”, deklaron sekretari i përgjithshëm i BDI-së, Arbër Ademi, duke kritikuar qëndrimet e profesoreshës universitare Tanja Karakamisheva lidhur me çështjet shqiptare dhe UÇK-në.

Sipas Ademit, në vend që të përballet me qëndrimet dhe politikat që, sipas tij, dëmtojnë shqiptarët, Karakamisheva dhe zëra të tjerë të ngjashëm merren vazhdimisht me figurat, simbolikat dhe çështjet shqiptare.

“Sepse roli i saj është të merret me gjithçka që është shqiptare, kombëtare dhe e pastër: me Ali Ahmetin, me Edi Ramën, me UÇK-në, me çdo simbol e kauzë shqiptare”, shprehet Ademi.

Ai e lidh këtë qasje edhe me debatet e fundit për luftën e vitit 2001 dhe zhvillimet në Hagë.

“Flet me gjuhën e tutores së saj, Tanja Karakamishevës, dhe vazhdon të njëjtin avaz: të merret me shqiptarët, në vend se të merret me ata që i dëmtojnë shqiptarët”, deklaron ai.

Ademi vijon:

“Ky është roli i saj. Të lomotisë kundër shqiptarëve dhe në shërbim të atyre që shqiptarët i kanë pasur gjithmonë përballë.”

Deklaratat e Ademit vijnë në një kohë kur debati politik në Maqedoninë e Veriut është përqendruar sërish te UÇK-ja, gjykimi në Hagë dhe qëndrimet e përfaqësuesve shqiptarë ndaj aktgjykimit. Vetë Ademi, në një debat të fundit televiziv, tha se Ali Ahmeti është intervistuar në Hagë si themelues i UÇK-së dhe udhëheqës i saj, duke kundërshtuar interpretimin se ai ka qenë dëshmitar. Gazeta Flaka