Arrestime në Manastir, Shkup dhe Ohër për drogë, ndalohen shtatë persona
Shtatë persona janë privuar nga liria në Manastir, Shkup dhe Ohër, gjatë kontrolleve policore të zhvilluara më 21 dhe 22 nëntor. Gjatë kontrolleve është gjetur marihuanë dhe lëndë pluhurore e bardhë.
Sipas njoftimeve të policisë, rasti i parë është regjistruar më 21 nëntor, në orën 21:40, në rrugën „Partizanska“ në Manastir. Nëpunësit policorë të SPB Manastir kanë ndaluar T.P. nga Manastiri, pasi gjatë kontrollit tek ai është gjetur marihuanë.
Ndërkaq, gjatë natës mes 21 dhe 22 nëntorit, në lokacione të ndryshme në Shkup, policia ka privuar nga liria pesë persona: D.R. (37), N.E. (38), K.T. (33), K.S. (29) dhe B.E. (34), të gjithë nga Shkupi.
Gjatë kontrolleve tek ata është gjetur dhe sekuestruar lëndë pluhurore e bardhë.
Një tjetër arrestim është realizuar më 21 nëntor, në orën 22:30, në Ohër. Nëpunësit policorë të SPB Ohër kanë privuar nga liria B.I. (26), nga një vendbanim në rrethinën e Ohrit, pasi gjatë kontrollit tek ai është gjetur dhe sekuestruar gjithashtu lëndë pluhurore e bardhë.
Policia njofton se pas dokumentimit të plotë të rasteve, ndaj personave të ndaluar do të parashtrohen kallëzime përkatëse.
Identiteti dhe përbërja e lëndës pluhurore të sekuestruar nuk janë bërë të ditura në njoftimin policor.
Flaka















