Çmenduria e Man United për lojtarin që ka shkëlqyer vetëm këtë sezon – ofron 65 milionë euro

Manchester United është në kërkim të një qendërmbrojtësi të ri për të plotësuar vendin bosh të lënë nga Raphael Varane, i cili do të largohet si lojtar i lirë kur t’i skadojë kontrata më 30 qershor.

Me këtë premisë, talenti i ri Jarrad Branthwaite del si objektiv kryesor, ndonëse negociatat me Evertonin kanë ngecur për shkak të kërkesave të larta financiare të klubit.

Siç raporton ‘Football-Talk’, United janë të gatshëm të paguajnë deri në 65 milionë euro për Branthwaite, por Everton pret një shifër afër 100 milionë. Duke pasur parasysh këtë skenar, skuadra nga Old Trafford mund ta kthejë vëmendjen te Marc Guehi i Crystal Palace, sipas Givemesport.

Mbrojtësi i ri 23-vjeçar, me atribute të ngjashme mbrojtëse si Branthwaite, mund të jetë një opsion më i lirë nëse Everton nuk heq dorë nga kërkesat e tyre financiare.

Branthwaite ka spikatur në sezonin e fundit me Everton, duke demonstruar aftësinë e tij në duelet e fituara. Megjithatë, United, i goditur nga mungesa e të ardhurave nga Liga e Kampionëve, mund të përballet me kufizime financiare. Klubi duhet të jetë i kujdesshëm që të mos shkelë rregullat e fair play-it financiar, gjë që mund të rezultojë në sanksione.

Me 98 paraqitje në Ligën Premier, Guehi ofron më shumë përvojë në krahasim me Branthwaite. Nëse United arrin të sigurojë nënshkrimin e tij për rreth 65 milionë euro, do të konsiderohej një marrëveshje e mirë, por është e qartë se Everton po kërkon më shumë. /Telegrafi/