Gjyqtari përdori një rregull që pak kush e njeh në boks gjatë humbjes së Furyt nga Usyk

Oleksandr Usyk mposhti Tyson Furyn për t’u bërë kampion i padiskutueshëm i peshave të rënda, por një thirrje kontroverse e gjyqtarit bëri bujë në rrjetet sociale.

Ukrainasi mori një fitore me vendim me pikë kundër britanikut pas një dueli magjepsës me 12 raunde në Arabinë Saudite.

Rekordi i pamposhtur i Furyt përfundoi pasi Usyk u bë kampioni i parë i padiskutueshëm i peshave të rënda që nga viti 1999, megjithëse ai nuk do ta mbajë atë titull për një kohë të gjatë përderisa do t’i hiqet titulli i IBF-së, i cili do të jetë në linjë për sfiduesin e detyrueshëm Filip Hrgovic i cili përballet me Daniel Dubois më 1 qershor.

Usyk për pak sa nuk e përfundoi duelin në raundin e nëntë, kur Fury ishte i pamëshirshëm me goditjet e tij, me Gypsy King që filloi të mbahej në litar për t’u mos u rrëzuar.

Gjyqtari Mark Nelson i dha Furyt çdo mundësi për t’u rikuperuar nga goditjet, por u kritikua në rrjetet sociale, ndërsa Usyk kërkonte të përfundonte luftën.

Ndoshta lufta mund të ishte ndalur në atë moment, por Fury ishte në gjendje të rikuperohej në fund të raundit dhe i mbijetoi të gjithë luftës pasi u këndell.

Vendimi i gjyqtarit nuk u vu në dyshim vetëm nga tifozët, por edhe nga luftëtarët dhe promovuesi i Matchroom Boxing – Eddie Hearn mbeti i habitur që njerëzit kishin pak njohuri për rregullin e numërimit.

Kur u pyet nëse mendonte se lufta duhej të ishte ndalur nga BoxNation, ai tha: “Unë po ju them atë që është mjaft qesharake, numri i njerëzve, luftëtarëve, të cilët nuk i dinë as rregullat për litarët që ju mbajnë lart”.

“Pashë kaq shumë luftëtarë që thoshin ‘është qesharake, ai nuk u rrëzua dhe ju ende i dhatë një numërim’. Kur litarët të ndalojnë të rrëzohesh, gjyqtari mund të japë një numërim. Është efektivisht një goditje, sepse litarët ju kanë ndaluar të rrëzoheni”.

“Ai (Fury) u shëtit nëpër ring, ishte e pabesueshme, nuk mund ta besoj se ai nuk u rrëzua. Unë besoj në Britaninë e Madhe, ka shumë gjyqtarë që do ta kishin ndaluar, por mendoj se ai mori vendimin e duhur duke mos e ndërprerë”.

“Mendoj se gjithçka ishte paksa e ngadaltë për numërimin, por më pas ra gongu. Mendova se Fury u këndell shumë mirë”, vazhdoi Hearn. /Telegrafi/