Kur Koeman linte jashtë Botërorit Anglinë mes skandalit

Anglia ndoshta fal, por nuk harron që Ronald Kuman ishte përgjegjësi kryesor për një nga dështimet më të mëdha të historisë së futbollit.

Trajneri aktual i Holandës ka bërë që “Tre Luanët” t’i mbyllnin në vendin e tretë kualifikueset e Botërorit të vitit 1994.Anglia dhe Holanda barazuan në Uembli 2-2 më 28 prillin e vitit 1993 dhe të dyja skuadrat donin patjetër pikët për të siguruar kualifikimin.

Holandezët fituan 2-0 në Roterdam me një aksion shumë të diskutueshëm nga arbitri gjerman Karl Jozef Asemançer. Gjithçka ndodhi në minutën e 57-të, kur me rezultatin 0-0 Koeman ndali në mënyrë të parregullt jashtë zonës David Platin, që do të shkonte i vetëm përballë portierit. Arbitri sinjalizoi faull në limite, por nuk e ndëshkoi me karton të kuq Kumanin. I tregoi vetëm kartonin e verdhë. Një vendim që ishte vendimtar për vazhdimësinë e ndeshjes.

Askush nuk e di se çfarë do t’i ndodhte Holandës me 10 lojtarë. Vetëm 5 minuta më vonë, Koeman shënoi një supergol nga goditja e dënimit.

Në vend të forcës, ashtu siç bënte gjithmonë, lojtari i Barcelonës në atë kohë e godet topin me teknikë dhe befasoi portierin Simën. Bergkamp në minutën e 68-të shënoi golin e dytë, por të gjitha kritikat ishin për arbitrin, Koemanin dhe vëllanë e tij.

Edhe ky i fundit meritonte të ndëshkohej me karton të kuq pas një ndërhyrjeje të tmerrshme si ajo e De Jongut. Ditën e sotme, Anglia dhe Holanda do të përballen me njëra-tjetrën për një biletë në finalen e madhe të Europianit. Kumanit sigurisht që do t’i kujtohen edhe këto momente.