LSDM: Një ditë ekonomia e tretë, ditën tjetër falimentimi – FMN-ja i rrëzon përrallat e Mickoskit

Driton Zenku
Botuar nga Driton Zenku 15 Nëntor, 2026 12:23

LSDM: Një ditë ekonomia e tretë, ditën tjetër falimentimi – FMN-ja i rrëzon përrallat e Mickoskit

Partia opozitare maqedonase LSDM akuzon kryeministrin Hristijan Mickoski për deklarata kontradiktore lidhur me gjendjen e ekonomisë së vendit, duke pretenduar se projeksionet e Fondit Monetar Ndërkombëtar (FMN) i rrëzojnë pretendimet e tij për sukses ekonomik.

Në një komunikatë për media, LSDM thekson se Mickoski një ditë flet për Maqedoninë si ekonominë e tretë në Evropë, ndërsa ditën tjetër paralajmëron rrezikun e falimentimit të shtetit në rast të zgjedhjeve.

“Një ditë mburret me rritjen ekonomike, ditën tjetër pranon se shteti nuk ka para. Deklaratat e tij kontradiktore e demaskojnë të gjithë propagandën qeveritare dhe gënjeshtrat e tij”, thuhet në reagimin e LSDM-së.

Sipas projeksioneve të FMN-së, Maqedonia e Veriut renditet në vendin e 41-të mes 48 ekonomive evropiane për nga BPV-ja për kokë banori, me 11.762 dollarë.

Nga vendet e rajonit, sipas LSDM-së, Serbia, Mali i Zi dhe Shqipëria qëndrojnë më mirë se Maqedonia e Veriut, ndërsa dallimi me ekonomitë më të pasura evropiane mbetet i madh.

Opozita vlerëson se këto të dhëna pasqyrojnë gjendjen reale ekonomike të vendit, në kundërshtim me deklaratat e kryeministrit për rritjen e shpejtë ekonomike dhe përmirësimin e standardit jetësor.

LSDM gjithashtu pretendon se gjatë dy viteve janë krijuar rreth katër miliardë euro borxhe të reja, ndërsa qytetarët po përballen me përkeqësim të standardit jetësor dhe paralajmërime për shtrenjtimin e ngrohjes qendrore dhe energjisë elektrike.

Partia opozitare kritikon edhe mungesën e rritjes së pagës minimale, duke e cilësuar si të pambajtur premtimin e pushtetit.

“Para në buxhet nuk ka, para për qytetarët nuk ka. Por e dimë se ku ka – te Mickoski dhe banda e tij”, thuhet në komunikatë.

Në fund, LSDM e lidh gjendjen ekonomike me çështjen e Alta Bankës dhe raportet e kryeministrit Mickoski me presidentin serb Aleksandar Vuçiq, duke paralajmëruar se për të gjitha këto çështje do të ketë përgjegjësi.

Pretendimet dhe vlerësimet e paraqitura në këtë tekst janë qëndrime të LSDM-së. Flaka

302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Driton Zenku
Botuar nga Driton Zenku 15 Nëntor, 2026 12:23
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

NDRYSHE

NDRYSHE

    No posts where found

Lexo më shumë