Prodhimi vendor, ekspertët: Nevojitet strategji për rritjen e prodhimit

Vetëm prodhimi me marrëveshje mund të jetë produktiv, në mënyrë që të jenë të kënaqur edhe bujqit edhe tregtarët. Na duhen qendra blerëse, rrjete funksionale të ujësjellësit, mbështetje për fermerët e rinj, si dhe subvencione që shkojnë në duart e duhura, thonë nga federata e fermerëve të vendit tonë.

“Ne për fat të keq tani për tani kemi ose hiperproduktivitet ose nuk kemi prodhim të produkteve të caktuara bujqësore. Institucionet gjatë vitit të sigurojnë çmime për çdo prodhim bujqësor.”, – deklaroi kryetarja e Federatës së Fermerëve, Vaska Mojsovska.

Të ardhurat nuk i mjaftojnë një fermeri për të mbijetuar, e lëre më për të përfituar dhe u modernizuar. Mungojnë lëndët e para, zhvillimi teknologjik, promotorët ekonomikë dhe çmimi minimal i garantuar i blerjes, thotë Mile Cekov, një biznesmen.

“Ne çdo ditë e më shumë importojmë prodhime bujqësore nga Shqipëria në kulmin e prodhimeve të hershme të vendit tonë. Për këtë arsye mendojmë se si shtet duhet të mbajmë llogari për kuota dhe analizat për çdo prodhim të importuar, në mënyrë që ta mbrojmë prodhimin tonë vendor.”, – theksoi biznesmeni, Mile Cekov.

Bujqësia ka një potencial të fortë për të rritur prodhimin dhe vendet e punës, por duhet një strategji, reforma që do të mundësojnë përdorimin e burimeve natyrore, thotë për TVM1, drejtori i Bankës Botërore, Masimiliano Paoluçi.

“Sektori i bujqësisë, edhe përkundër subvencioneve qeveritare, akoma ka ngecur në raportin me produktivitetin dhe konkurrencën, krijimin e vendeve të punës dhe në rishqyrtimin e modelit të sektorit të bujqësisë.”, – u shpreh drejtori i Bankës Botërore, Masimiliano Paoluçi.

Për vitin 2023 importi për ushqim ka kushtuar një miliard euro.