Reprezentacioni i RMV-së U-21 vazhdon përgatitjet sipas planit, flet Alçevski

Përfaqësuesja U21 e Maqedonisë ka vazhduar me përgatitjet për dy ndeshjet kontrolluese që do ti luaj në fillim të muajit qershor.

Të përzgjedhurit e seleksionuesit Dragi Kanatllarovski do të zhvillojnë dy ndeshje kontrolluese me Poloninë dhe Bosnje Hercegovinën.

Duelin e parë kontrollues ndaj Polonisë do ta luajmë më 1 qershor në Radom. Katër ditë më vonë në Koniq luajmë me Bosnjë-Hercegovinën.

Portieri i përfaqësueses së Maqedonisë deri në 21 vjeç, Marko Alçevski, ka dhënë mendimin dhe komentet e tij për sfidat e ardhshme.

– Përgatitjet dhe stërvitjet po ecin në mënyrën më të mirë, të gjithë futbollistët janë të gatshëm t’u përgjigjen detyrave që na ka dhënë trajneri dhe stafi i tij.

– Edhe pse këto janë ndeshje kontrolluese, na presin dy teste jashtëzakonisht të vështira. Polonia është një kombëtare, cilësia e së cilës është e barabartë me Holandën dhe Suedinë. Është një motiv plus për ne që të luajmë një ndeshje të mirë dhe të konkurrojmë me një kundërshtar të fortë.

– Duhet të përmirësojmë qasjen dhe fokusin tonë në momente të caktuara të ndeshjes dhe të reduktojmë gabimet në minimum, sepse çdo përzgjedhje cilësore përdor çdo dobësi të mundshme në futbollin modern dhe të shpejtë.

– Në këto ndeshje kontrolluese do të mundohemi të përmirësohemi sa më shumë në të gjitha segmentet e lojës dhe të rifitojmë besimin pas disa rezultateve të këqija, të luajmë më mirë dhe të tregojmë dhe të dëshmojmë se fitorja në xhiron e parë kundër Suedisë nuk ishte e rastësi.