Selimi: U kapën me presh në dorë, tani nuk dinë as çfarë flasin! – Osmani: Pse deputetja e VLEN-it nuk dha përgjigje për Alta Bankën?

Flaka
Botuar nga Flaka 15 Nëntor, 2026 16:45

Selimi:  U kapën me presh në dorë, tani nuk dinë as çfarë flasin! – Osmani: Pse deputetja e VLEN-it nuk dha përgjigje për Alta Bankën?

Përplasjet politike rreth çështjes së Alta Bankës kanë marrë një dimension të ri, pasi BDI ka publikuar dokumente nga Gazeta Zyrtare e 13 qershorit 2023, të cilat mbajnë nënshkrimin e zëvendëskryeministrit të atëhershëm, Artan Grubi. Bujar Osmani akuzon VLEN-in për manipulim me dokumentet dhe për përpjekje për të zhvendosur përgjegjësinë politike.

Analisti Sefer Selimi ka reaguar pas konferencës së sotme për media të deputetes së VLEN-it, Saranda Imeri Stafaj, e cila u përball me pyetje të gazetarëve lidhur me dokumentet që kanë të bëjnë me hyrjen e Alta Bankës në tregun bankar të Maqedonisë së Veriut.

Selimi thotë se në vend që të japin përgjigje për dokumentet që mbajnë nënshkrimet e funksionarëve të tyre, përfaqësuesit e VLEN-it po përpiqen të ngatërrojnë dy çështje të ndryshme: shitjen e aksioneve shtetërore në kompani dhe procedurën për hyrjen e një banke të re në treg.

Sipas tij, dokumenti i publikuar nga pala qeveritare për shitjen e aksioneve të Stopanska Bankës në Manastir ka të bëjë me një proces të vitit 2023, ndërsa në të njëjtën mbledhje janë miratuar edhe vendime për shitjen e aksioneve të Halk Bankës dhe subjekteve të tjera.

“Pra, po ngatërrojnë qëllimisht shitjen e aksioneve që shteti i ka në pronësi me vendimet për hyrjen e një banke në treg. Ta përdhunojnë inteligjencën! Nuk mbulohet dielli me shosh, thotë populli. Edhe kopilin e Alta Bankës nuk e lini dot në derë të huaj!”, ka shkruar Selimi.

Çfarë tregojnë dokumentet e nënvizuara me të kuqe?

Dokumentet e publikuara janë pjesë e Gazetës Zyrtare të Republikës së Maqedonisë së Veriut, numër 123, të datës 13 qershor 2023, faqe 3. Ato përmbajnë katër vendime të Qeverisë, të miratuara më 6 qershor 2023, për dhënien e pëlqimit për shitjen e aksioneve në pronësi të Agjencisë për Menaxhimin e Pronës së Konfiskuar.

Konkretisht, bëhet fjalë për:

  • Vendimi nr. 41-3733/7 – shitja e aksioneve në shoqërinë për prodhim dhe tregti Vinariska Vizba, pronë e Agjencisë për Menaxhimin e Pronës së Konfiskuar.
  • Vendimi nr. 41-3733/9 – shitja e aksioneve të Halk Bankës SHA Shkup.
  • Vendimi nr. 41-3733/8 – shitja e aksioneve të Stopanska Bankës SHA Manastir.
  • Vendimi nr. 41-3733/10 – shitja e aksioneve në shoqërinë aksionare UGOTUR, për organizimin e ushqimit, hotelerisë dhe turizmit, punëve agjencionale dhe tregtisë.

Në të katër vendimet thuhet se aksionet janë në pronësi të Agjencisë për Menaxhimin e Pronës së Konfiskuar dhe se vendimet hyjnë në fuqi ditën pas publikimit në Gazetën Zyrtare.

Një element i përbashkët i dokumenteve është nënshkrimi i zëvendëskryeministrit të atëhershëm, Artan Grubi, në cilësinë e zëvendësuesit të kryetarit të Qeverisë.

Osmani: Problemi i tyre është se nuk mund ta mbajnë mend gënjeshtrën

Në këtë debat është përfshirë edhe nënkryetari i BDI-së, Bujar Osmani, i cili ka reaguar ndaj përgjigjes së deputetes Saranda Imeri Stafaj gjatë konferencës për media.

Sipas Osmanit, gazetari e ka pyetur përfaqësuesit e VLEN-it se, nëse BDI-ja ka gisht në çështjen e Alta Bankës, si shpjegohet që dokumentet që mundësuan ardhjen e bankës në vend mbajnë nënshkrimet e funksionarëve të tyre.

“Përgjigjja: ‘Nuk e di, do t’ju përgjigjem me shkrim.’ Këtu është problemi me gënjeshtrën. Kur gënjen, duhet ta mbash mend edhe që ke gënjyer, edhe çka ke gënjyer!”, ka deklaruar Osmani.

Ai e ka cilësuar çështjen e Alta Bankës si “fundin e turpshëm” të VLEN-it, duke e interpretuar reagimin e fundit të përfaqësuesve të këtij koalicioni si shenjë paniku politik.

Çështja që mbetet në qendër të debatit

Dokumentet e vitit 2023 dëshmojnë se Qeveria e atëhershme ka dhënë pëlqim për shitjen e aksioneve shtetërore në disa subjekte, përfshirë Halk Bankën dhe Stopanska Bankën e Manastirit. Megjithatë, këto vendime, në përmbajtjen e tyre, kanë të bëjnë me shitjen e aksioneve të Agjencisë për Menaxhimin e Pronës së Konfiskuar dhe nuk përbëjnë vetvetiu vendim për licencimin apo hyrjen e Alta Bankës në tregun bankar.

Pikërisht dallimi ndërmjet këtyre procedurave është bërë objekt i përplasjes së fundit politike, ku BDI dhe VLEN akuzojnë njëra-tjetrën për manipulim me dokumentet dhe shmangie të përgjegjësisë.

Ndërkohë, pyetja politike që kërkon përgjigje mbetet: cilat janë vendimet konkrete që mundësuan hyrjen e Alta Bankës në tregun e Maqedonisë së Veriut dhe cilët funksionarë i kanë nënshkruar ato? Gazeta Flaka

302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Flaka
Botuar nga Flaka 15 Nëntor, 2026 16:45
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
302

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

NDRYSHE

NDRYSHE

    No posts where found

Lexo më shumë