Spotify rrit sërish çmimet në SHBA, e njëjta gjë pritet edhe në tregjet perëndimore

Platforma e njohur e transmetimit të muzikës ka njoftuar një rritje të çmimit për shërbimet e saj nga korriku në SHBA, por pritet të shtrihet edhe në tregjet perëndimore në periudhën në vijim.

Plani premium i Spotify do të kushtojë 11,99 dollarë në muaj, 1 dollarë më shumë nga 10,99 dollarë të mëparshëm. Plani Duo, që do të thotë dy përdorues, do të jetë 2 dollarë më i shtrenjtë në 16,99 dollarë. Plani i familjes rritet me 3 dollarë në 19,99 dollarë. Plani studentor është i vetmi, çmimi i të cilit prej 5,99 dollarë në muaj nuk do të ndryshojë.

Është interesante se çmimi i ri do ta bëjë Spotify më të shtrenjtë se Apple Music në SHBA, i cili ende kushton 10,99 dollarë dhe 16,99 dollarë në muaj për një plan individual dhe familjar, respektivisht.

Megjithatë, lëvizja e Spotify mund të motivojë Apple të rrisë çmimet për t’iu përshtatur rivalit të saj. Shitja e gjërave të ngjashme me të njëjtat çmime është padyshim konkurrencë kapitaliste.

Spotify ka ecur mjaft mirë në periudhën e kaluar, të ardhurat janë rritur me 20%, po ashtu ka një rritje prej 14% të abonentëve. Pra, nuk është një lëvizje e dëshpëruar për të fituar më shumë para, por një përpjekje për të bërë më të mirën nga momentet e mira.

Spotify më parë ngriti çmimet korrikun e kaluar, kur plani premium shkoi nga 9,99 dollarë në 10,99.