Tre gjyqtarë në garë për finalen e EURO 2024, favorit shihet polaku

Sipas mediave italiane, tri janë gjyqtarët e mbetur në garë për të gjykuar ndeshjen finale të EURO 2024. Mes tyre është anglezi Majkëll Oliver, polaku Shimon Marçinak dhe italiani Daniele Orsato. Asgjë nuk është konfirmuar ende se cili do të gjykojë këtë ndeshje, por gjithçka do të varet edhe nga ekipet që do të shkojë në finale.

Pas polemikave që lindën me gjyqtarin anglez Entoni Tejllor në ndeshjen Gjermani-Spanjë, drejtuesi i gjyqtarëve në UEFA, Rosetti, do të duhet të mendojë më me kujdes për përzgjedhjen e arbitrit për finalen e Berlinit. Gjyqarët e gjysmëfinales thuajse janë të eliminuar nga gara për të gjykuar në finale.

Orsato dhe Oliver u zgjodhën për çerekfinale, ndërsa Marçiniak jo. Prandaj, zgjedhja e Rosetit mund të orientohet drejt menaxhimit optimal të energjisë në funksion të finales më 14 korrik. Në të njëjtën kohë, nuk mund të anashkalohet edhe fati i kombëtares angleze. Nëse kombëtarja e Sauthgaejtit do të arrinte të mposhtte Holandën, do t’i mbyllnin dyert për bashkatdhetarin Oliver. Për italianin Orsato thuhet se është kthyer në Itali, ndaj favoriti mbetet polaku Marçiniak, 43 vjeç.

Ai gjykoi edhe finalen e Kupës së botës Francë-Argjentinë dy vite më parë, finalen e LIgës së Kampionëve në vitin 2023 mes Man. Sitit dhe Interin. Ndërkohë që, këtë vit është shpallur si gjyqtari më i mirë në botë. Ai gjykon nën stemën e FIFA-s që prej vitit 2011.