Vozisni me kujdes, ka rrëshqitje dherash në disa rrugë të vendit

Reshjet e dendura të shiut që goditën rajonin e Dibrës janë të mirëseardhura për kulturat bujqësore, por shkaktojnë rrëshqitje në rrugët e kësaj zone, për këtë arsye rekomandohet vozitje e kujdesshme, përcjell FLAKA.

“Pas reshjeve të dendura të shiut, për momentin vërehen rrëshqitje më të vogla por të shpeshta shkëmbinjsh dhe dheu. Për shkak të kësaj, si dhe rrugëve të lagështa, rekomandohet vozitja me kujdes dhe respektimi i sinjalistikës rrugore”, thonë nga Seksioni Dibër i Ndërmarrjes Publike për Mirëmbajtjen e Rrugëve Magjistare dhe Regjionale.

Ekipet e seksionit ndodhen vazhdimisht në terren, me qëllim pastrimin në kohë dhe qarkullimin e sigurt të trafikut.

Nën autoritetin e këtij seksioni janë rrugët me gjatësi mbi 110 seksione Dibër – Zhirovnicë (drejtimi rrugor Dibër – Mavrovë), Dibër – Glloboçicë (drejtimi rrugor Dibër – Strugë), rruga për në pikën kufitare “Bllacë”, Ura e Boshkut, degëzim në fshatrat e lumit Mala, si dhe rruga Ura e Mellnicës – Qendra Zhupë.

Zakonisht në drejtimin rrugor Dibër – Mavrovë, rrëshqitje të dheut janë më të shpeshta afër fshatrave Rajçicë, Kosovrast dhe Jançe, fshati Ura e Rostushës, pastaj afër Manastirit Mbigurë dhe fshatit “Livadhet e Senicës”, në rrugën për në Strugë afër fshatit “Tre Çezmat”, si dhe lokaliteti “Krasta” në rrugën Ura e Mellnicës – Qendra Zhupë. FLAKA