A po kthehet Fatmir Mexhiti në karrigen e ministrit të Shëndetësisë?

Edhe pse ende nuk ka rezultate zyrtare të zgjedhjeve, më saktë të mërkurën do të rivotohen në shtatë vendvotime, por lideri i VMRO-DPMNE-së, Hristijan Mickoski, tashmë ka nisur negociatat me partitë, me të cilat planifikon të bëjë koalicion në qeveria e ardhshme. Mes tyre është edhe opozita shqiptare VLEN, e cila fitoi 13 mandate në këto zgjedhje parlamentare, përcjell FLAKA.

Mickoski dhe Taravari tashmë disa herë janë ulur në tryezën e bisedimeve për të përcaktuar pozitat ministrore dhe nëse kryetari i Kuvendit do të shkojë patjetër te shqiptarët.

Epo, natyrisht, negociatat do të fillojnë dalëngadalë – kush do ta zërë karrigen në Ministrinë e Shëndetësisë?

Është ende herët për të luajtur me emra, por nga partia fituese aktuale, Igor Nikollov, kryetar i Komisionit për Shëndetësi në VMRO-DPMNE, dëshiron të ulet në karrigen ministrore, por është edhe kirurgu pediatër Risto Simeonov, i cili është anëtar ekzekutiv i partisë dhe mjek në spitalin privat “Sistina”, ndërsa para kësaj ka qenë drejtor i Kirurgjisë së Fëmijëve në kohën e Nikolla Gruevskit.

Megjithatë, sipas praktikës së deritanishme, ministri i Shëndetësisë zakonisht vjen nga radhët e bllokut shqiptar, ose më saktë partia që do të bëjë koalicion me fituesit.

Duke marrë parasysh zhvillimet e deritanishme, lideri i VMRO-DPMNE-së nga raundi i parë e deri më tani pohon se nuk ka ndërmend të bëjë koalicion me BDI-në, por me VLEN-in, ku neurologu Arben Taravari, i cili më parë ka qenë ministër, mund të uluni edhe në karrigen e ministrit vetëm një muaj.

Por shanset edhe më të mëdha i ka ministri i vjetër – i ri Fatmir Mexhiti, aleati dhe kumbari i tij më i ngushtë partiak, i cili u zëvendësua vetëm pak muaj më parë, kur “plasi” kungulli mes Taravarit dhe Ziadin Selës.

Gjithsesi, nëse njeriu i parë për shëndetësi shkon në bllokun shqiptar, atëherë patjetër zëvendësministri do të jetë nga radhët e VMRO-DPMNE-së.

Mexhiti ka qenë ministër i Shëndetësisë për disa muaj, para se të “shpërthejë” mes Selës dhe Taravarit dhe të shkarkohet në seancë parlamentare. FLAKA