BDI: Integrimi evropian mbetet i bllokuar, shqiptarët vazhdojnë të manipulohen

Botuar nga Flaka 23 Dhjetor, 2024 15:30

“Premtimet e rreme të Vlen për integrimin evropian. Shkurt dhe shqip: Vlen- S’vlen. Sot janë mbushur saktësisht gjashtë muaj që kur kjo qeveri u formua me premtimin e madh të Vlen: “Nëse brenda gjashtë muajve nuk zhbllokohet rruga evropiane, do të rishqyrtojmë pjesëmarrjen tonë në qeveri”, akuzuan nga BDI.

“Gjashtë muaj më vonë, integrimi evropian mbetet i bllokuar, ndërsa shqiptarët vazhdojnë të mashtrohen me iluzione dhe fjalë të kota. Asnjë përparim konkret, asnjë veprim i guximshëm – vetëm heshtje dhe justifikime nga një koalicion që ka ndërtuar gjithë ekzistencën e tij politike mbi manipulime dhe mashtrime. Thanë se nuk do të bëjnë Qeveri pa ndryshime kushtetuese. Nënshkruan edhe Dokument për këtë gjë qysh para zgjedhjeve. Pastaj poashtu premtuan se pas zgjedhjeve në BE dhe Bullgari do ti bëjnë ndryshimet kushtetuese. Pastaj thanë për 3-4 muaj. E në fund thanë para Vitit të Ri, brenda 6 muajve. Vlen ka tradhtuar besimin e shqiptarëve”, thone nga BDI.

Sipas tyre, ky premtim i rremë për integrimin evropian ishte thjesht një tjetër mashtrim për të ruajtur pushtetin, për të blerë kohë dhe për të fshehur dështimet e tyre katastrofale.

“Shqiptarët nuk do të tolerojnë më një politikë që shërben interesat personale dhe klanore në vend të interesave kombëtare dhe europiane. Sot, kur afatet e tyre kanë skaduar, pyesim: A do ta mbajnë premtimin që vetë e dhanë? Apo edhe kjo do të jetë një tjetër kapitull në historinë e mashtrimeve të tyre? Manipulimi ka arritur kufirin e tij. Shqiptarët meritojnë përfaqësim të ndershëm dhe të guximshëm, jo një politikë që mbijeton mbi kurrizin e tyre duke u tallur me fatin dhe aspiratat e një populli të tërë. Vlen, koha juaj për mashtrime ka mbaruar! Tregoni integritet ose pranoni publikisht se politika juaj nuk është gjë tjetër veçse një iluzion për të mashtruar qytetarët dhe për të mbajtur pushtetin me çdo kusht”, perfunduan nga BDI.

Botuar nga Flaka 23 Dhjetor, 2024 15:30

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.