E vështirë sfida e Bujar Osmanit ndaj Izet Mexhitit

Botuar nga Flaka 12 Shtator, 2025 09:14

Kandidati i Aleancës Kombëtare për Integrim (AKI), Bujar Osmani, gjatë një tubimi me qytetarët e Çairit, u përgjigj ndaj akuzave të kundërkandidatit të tij, duke theksuar se për të, kjo komunë nuk është “hap drejt karrigeve qeveritare”, por një mision i plotë.

“Kundërkandidati im thotë se Bujar Osmani asnjëherë nuk e ka përjetuar Çairin si shtëpinë e vet, por vetëm si një hap drejt një karrigeje në Qeveri. Për të, Çairi asnjëherë nuk ka qenë qëllim, por mjet”, tha Osmani.

Ai sfidoi rivalin me një propozim publik:
“Hajde të bëjmë një marrëveshje. Unë sot do të nënshkruaj, madje edhe te noteri nëse duhet, që nuk do ta lë komunën e Çairit deri sa ju të mos më ndërroni me votë. Asnjëherë, për asnjë funksion, pa marrë parasysh çfarë oferte mund të më japin nesër. Edhe nëse më propozojnë për ministër – unë nuk do ta lë funksionin e kryetarit të komunës. Por, të njëjtën marrëveshje duhet ta pranojë edhe Mexhiti. Nëse ai humb, duhet të japë dorëheqje – menjëherë. Kjo është çështje e moralit politik dhe e ndershmërisë personale. E pastaj le të shohim kush është i ndershëm e kush jo në qëllimet e veta”, theksoi Osmani.

Ai shtoi se nëse kandidati humb, ditën tjetër duhet të japë dorëheqje, një parim që, sipas tij, e ka respektuar gjithmonë gjatë garave politike.

“Historia është e qartë kur politikanët e vërtetë kanë kandiduar për funksione lokale – fillimisht janë dorëhequr nga funksionet e tyre në Qeveri. Këtë e ka bërë Teuta Arifi si zëvendëskryetare e Qeverisë. Këtë e ka bërë Nevzat Bejta si ministër për Vetëqeverisje Lokale. Këtë e ka bërë edhe Zekirija Ibrahimi si deputet. Është e natyrshme me atë akt të tregosh se komuna nuk është variant rezervë për ty, por se hyn me gjithë zemër, nëse vërtet je i përkushtuar ndaj komunës dhe ndaj Çairit”, theksoi Osmani.

Në përmbyllje, ai deklaroi se marrëveshja e propozuar është një test për sinqeritetin e kandidatëve:
“Për të parë kush vërtet do të punojë për Çairin – dhe kush do ta përdorë Çairin për t’u kthyer në funksion në Qeveri. Qytetarët kanë të drejtë të dinë: kush është këtu për ta, e kush është këtu vetëm për veten”, tha Osmani. Flaka

Botuar nga Flaka 12 Shtator, 2025 09:14

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.