Filipçe: LSDM hyn në fazë të re politike, synojmë rikthimin e shtetit në duart e qytetarëve

Kryetari i LSDM-së, Venko Filipçe, ka deklaruar se partia po hyn në një fazë të re të veprimit politik, ku fokusi nuk është më vetëm te cikli zgjedhor, por te ndryshimi thelbësor dhe rikthimi i shtetit në shërbim të qytetarëve.

Në një intervistë për emisionin “360 Gradë”, Filipçe theksoi se LSDM nuk po përgatitet më thjesht për zgjedhje, por për një transformim të thellë politik dhe institucional.

“Ne nuk po përgatitemi më për zgjedhje. Po përgatitemi ta rikthejmë pushtetin në duart e qytetarëve, sepse jemi të vetëdijshëm se në këtë mënyrë shteti vetëm do të ngecë. Këtë qytetarët tashmë kanë filluar ta kuptojnë. Duhet të them se ne po përgatitemi për fitore në zgjedhjet e ardhshme parlamentare”, deklaroi Filipçe.

222

SONDAZHI NË FLAKA

A mendoni nëse Maqedonia e Veriut po shkon rrugës së mbarë?

Duke folur për mundësinë e një bashkimi më të gjerë politik, Filipçe tha se LSDM është e hapur për bisedime me të gjitha subjektet politike, por vetëm mbi baza të qarta strategjike dhe parimore.

I pyetur nëse një bashkëpunim i tillë është i mundur edhe me Levicën, ai u përgjigj se gjithçka varet nga qëndrimet strategjike të palëve për përparimin e shtetit, veçanërisht në raport me integrimet evropiane dhe anëtarësimin në NATO.

Sipas tij, beteja e LSDM-së është një betejë për demokracinë, për lirinë dhe për ndërtimin e një shteti që u shërben qytetarëve, e jo interesave partiake apo personale. Gazeta Flaka