Bejta viziton Universitetin “Vision”: Bashkëpunim për zhvillimin arsimor dhe social të Gostivarit
Botuar nga Flaka
25 Dhjetor, 2025 13:57 Përditësuar
Kandidati për kryetar të Komunës së Gostivarit, Nevzat Bejta, së bashku me shefin e shtabit Bahar Shabani, këshilltarin komunal Albin Deralla dhe bashkëpunëtorët e tij, realizoi sot një vizitë në Universitetin Ndërkombëtar Vision.
Gjatë takimit, u diskutuan projektet e planifikuara për zhvillimin e Gostivarit në rast se Bejta fiton besimin e qytetarëve në zgjedhjet e ardhshme. Theksi u vu veçanërisht në forcimin e bashkëpunimit ndërmjet institucioneve akademike dhe pushtetit lokal, si dhe në realizimin e projekteve të përbashkëta në fushën e arsimit dhe asaj sociale.
Bejta theksoi rëndësinë e rolit që universiteti mund të ketë në zhvillimin e qytetit, duke vlerësuar kontributin akademik dhe shoqëror të tij.
“Sot, së bashku me shefin e shtabit Bahar Shabani, këshilltarin komunal Albin Deralla dhe bashkëpunëtorët, vizitova Universitetin Ndërkombëtar Vision. Gjatë vizitës, diskutuam projektet e planifikuara për Gostivarin në rast se fitoj besimin e qytetarëve,” deklaroi Bejta.
Ai shtoi se bashkëpunimi me institucionet e arsimit të lartë është kyç për zhvillimin afatgjatë të qytetit.
“Takimi u fokusua veçanërisht në forcimin e bashkëpunimit mes universitetit dhe qytetit, realizimin e projekteve të përbashkëta në fushën e arsimit dhe në sferën sociale, si dhe në kontributin akademik dhe shoqëror që universiteti mund t’i japë zhvillimit të Gostivarit,” u shpreh Bejta.
Vizita u vlerësua si një hap drejt ndërtimit të partneriteteve të qëndrueshme mes komunës dhe institucioneve arsimore, me synim përmirësimin e kushteve të jetesës dhe perspektivës për të rinjtë në Gostivar. Gazeta Flaka
Botuar nga Flaka
25 Dhjetor, 2025 13:57 Përditësuar
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.
