Nga fitore diplomatike në bllokadë: Si po i rrëzon VMRO arritjet e Bujar Osmanit në arenën ndërkombëtare

Botuar nga Flaka 29 Dhjetor, 2025 19:43

Ish – kryeministri maqedonas Lupço Georgievski në intervistën e tij të fundit për Racin.mk propozimin frances e cilësoi si fitore të madhe diplomatike. Ai argumentoi se ky propozim rrëzoi qëndrimin rigid bullgar për identitetin maqedonas para vitit 1945, u votua edhe në Parlamentin bullgar, si dhe krijoi kornizë të qartë për nisjen e negociatave.

Sipas tij, politika e brendshme maqedonase, për arsye populiste dhe ditore, e shndërroi këtë sukses në narrativë humbjeje, duke krijuar një bllokadë artificiale dhe vetëshkatërruese.

“Nuk guxojmë të harrojmë se ai “propozim francez”, praktikisht dhe realisht, ishte shfuqizim i një pozicioni rigid të politikës bullgare, atij që mbante qëndrimin e pakëndshëm se deri në vitin 1945 keni qenë bullgarë, ndërsa pas vitit 1945 jeni bërë maqedonas – një qëndrim i miratuar edhe nga Parlamenti bullgar.

Në Maqedoni i jepet shumë pak rëndësi faktit se propozimi francez e rrëzoi në thelb këtë ide. Ai e anuloi atë pikërisht sepse për propozimin francez u votua gjithashtu edhe në Parlamentin e Bullgarisë dhe, në vend që të interpretohej si një fitore, ne e interpretuam atë si humbje.

Nuk e di për çfarë arsyesh ndodhi kjo, me shumë gjasë fillimisht për arsye të politikës ditore, por më pas u shndërrua në pjesë të bllokadës sonë. Për fat të keq, ndërsa Bullgaria evoluoi nga ai pozicion dhe shohim se pas propozimit francez qëndrimet provokuese të politikanëve bullgarë janë reduktuar në minimum, nga ana jonë kemi madje një “evoluim” të kundërt të disa qëndrimeve.

Fillimisht thuhej se nuk na pengonte përfshirja e bullgarëve në Kushtetutë, por se problemi ishin protokollet”, tha mes tjerash Georgievski.

Kujtojmë se “propozimi francez” kishte ardhur pas orvatjeve të shumta të ish kryediplomatit Bujar Osmani për të debllokuar vendin në rrugëtimin eurointegrues.

“Arritëm që në moment të fundit të nxjerrim vendin nga vorbulla ballkanike dhe ta lansojmë në një rrugë të pakthyeshme të europianizimit”, pati deklaruar ish ministri Osmani, në vitin 2022.

Sot Maqedonia e udhëhequr nga VMRO DPMNE është e bllokuar në rrugëtimin eurointegrues, deke prishur pozicionet e fituara më parë nga Bujar Osmani në arenën ndërkombëtare.

Botuar nga Flaka 29 Dhjetor, 2025 19:43

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.