Meidani takon zëvendësguvernatorin e Bankës Popullore të RMV-së: Fokus te ekonomia, gjuha shqipe dhe integrimi financiar evropian

Botuar nga Driton Zenku 5 Shkurt, 2026 12:36

Ambasadori i Republikës së Shqipërisë në Shkup, Denion Meidani, ka zhvilluar një takim me Zëvendësguvernatorin e Bankës Popullore të Maqedonisë së Veriut, Fadil Bajrami, ku janë diskutuar çështje me rëndësi ekonomike, politike dhe zhvillimore.

“Kënaqësi takimi me Zëvendësguvernatorin e Bankës Popullore të RMV-së, Fadil Bajrami,” ka deklaruar Meidani, duke theksuar se gjatë bisedës janë prekur zhvillimet aktuale politike në vend dhe ndikimi i tyre në ekonomi, si dhe sfidat që lidhen me perspektivën zhvillimore.

Një theks i veçantë i takimit ka qenë përdorimi i gjuhës shqipe në sistemin bankar, si element kyç për rritjen e cilësisë së shërbimeve dhe transparencës ndaj qytetarëve.

“Diskutuam për rëndësinë e përdorimit të gjuhës shqipe në sistemin bankar, në funksion të përmirësimit të shërbimit dhe rritjes së transparencës për qytetarët,” ka theksuar ambasadori shqiptar.

Meidani ka vlerësuar gjithashtu aderimin e Maqedonisë së Veriut në sistemin SEPA, duke e cilësuar atë si një hap strategjik drejt integrimit financiar evropian.

“E përgëzova për aderimin në sistemin SEPA – një hap i rëndësishëm drejt integrimit financiar evropian dhe lehtësimit të pagesave për qytetarët dhe bizneset,” është shprehur ai.

Sipas ambasadorit Meidani, takimi ka riafirmuar nevojën për ndërtimin e një shoqërie më aktive, më të përgjegjshme dhe më progresive, ku institucionet financiare luajnë rol kyç në zhvillimin ekonomik dhe stabilitetin shoqëror. Gazeta Flaka

Botuar nga Driton Zenku 5 Shkurt, 2026 12:36

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.