Limani apel për reagim urgjent pas vërshimeve në Gostivar: Situata kërkon zgjidhje të shpejtë

Botuar nga Flaka 15 Shkurt, 2026 23:53

Kryetari i Komunës së Gostivar, Valbon Limani, ka reaguar lidhur me situatën e rënduar nga vërshimet në zonat e banuara, duke bërë thirrje për ndërhyrje të menjëhershme nga institucionet përgjegjëse për menaxhimin e ujërave.

Në një deklaratë publike, Limani theksoi se komuna po ndjek me shqetësim zhvillimet në terren dhe se ekipet komunale janë të angazhuara maksimalisht për përballimin e situatës.

“Me shqetësim po ndjek situatën me vërshimet në zonat e banuara të Gostivarit,” – deklaroi Limani.

Ai apeloi që institucionet që kanë kompetenca direkte mbi rrjedhat ujore të ndërhyjnë sa më shpejt.

“Përkundrejt përpjekjeve maksimale që bëjmë si Komunë, së bashku me ndërmarrjet komunale, dua të apeloj për zgjidhje sa më të shpejtë të situatës nga ELEM-i që ka kompetencat për menaxhimin e ujërave të Vardarit dhe zyrave të Ekonomizimit të Ujërave, përgjegjëse për sistemin e ujitjes,” – u shpreh ai.

Sipas kryetarit të komunës, është ngritur alarm edhe pranë Qendrës për Menaxhim me Kriza (QMK), ndërsa qytetarët janë ftuar të tregojnë kujdes maksimal.

“Si Komunë kemi ngritur alarm edhe te QMK, andaj lusim çdo qytetarë të evitojnë daljet nga shtëpia pa nevojë,” – apeloi Limani.

Ai shtoi se vështirësitë nga reshjet dhe vërshimet po ndihen në të gjithë rajonin e Pollog.

“Vështirësi të mëdha po hasen në të gjithë rajonin e Pollogut. Ju lutem veproni sa më shpejt,” – përfundoi kryetari i Gostivar.

Autoritetet lokale ndërkohë vazhdojnë monitorimin e gjendjes në terren, ndërsa qytetarët këshillohen të ndjekin udhëzimet zyrtare deri në stabilizimin e situatës. Gazeta Flaka

Botuar nga Flaka 15 Shkurt, 2026 23:53

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.