Akademi përkujtimore në Shkup për dëshmorët e parë të rënë në Tanushë

Botuar nga Flaka 16 Shkurt, 2026 08:41

Në përvjetorin e rënies së dëshmorëve të parë në krismat e para të luftës çlirimtare të UÇK-së, nga beteja e parë në Tanushë – Karadak të Shkupit, sot në kryeqytet do të mbahet Akademi Përkujtimore në nderim të tyre.

Akademia organizohet nga Këshilli Organizativ, në bashkëpunim me Shoqatën e Veteranëve të Luftës, familjarët e dëshmorëve dhe studentët e Universiteti “Nënë Tereza”.

Kjo ngjarje i kushtohet përkujtimit të dëshmorëve: Muzafer Xhaferi (16 shkurt), Shpend Mazrekaj (6 mars), Nijazi Sinani (8 mars), Qemal Shaqiri (16 mars), Gazmend Arifi (16 mars) dhe Elham Curri (16 mars).

“Këta dëshmorë u bënë themeli i qëndresës dhe i shtrirjes së luftës në të gjitha trevat shqiptare në Maqedoni. Sakrifica e tyre mbetet simbol i përjetshëm i përkushtimit për liri,” thuhet në njoftimin e organizatorëve.

Sipas tyre, përkujtimi i rënies së tyre nuk është vetëm akt ceremonial, por rikujtim i një kapitulli që ka shënuar historinë më të re të shqiptarëve në vend.

“Detyra jonë është ta ruajmë kujtesën historike dhe ta përcjellim te brezat e rinj domethënien e asaj sakrifice,” theksohet më tej në komunikatë.

Aktivitetet përkujtimore do të zhvillohen gjatë gjithë ditës. Në ora 10:00 do të bëhet vendosje lulesh pranë Shqiponjës në Shkup. Në ora 12:00 do të mbahen homazhe pranë varrezave të dëshmorëve në Tanushë, ndërsa më pas do të vendosen lule pranë emblemave të UÇK-së në Karadakun e Shkupit.

Akademia Përkujtimore do të mbahet në ora 17:00 në Teatri Shqiptar – Shkup.

Në këtë aktivitet pritet të marrin pjesë familjarë të dëshmorëve, veteranë të luftës, përfaqësues institucionalë, studentë dhe qytetarë.

Organizatorët u kanë bërë thirrje mediave që ta përcjellin këtë ngjarje, të cilën e cilësojnë si me rëndësi historike dhe kombëtare. Gazeta Flaka

Botuar nga Flaka 16 Shkurt, 2026 08:41

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.