Gostivari drejt normalizimit pas përmbytjeve, Xhakolli dhe Meidani ofrojnë mbështetje

Botuar nga Flaka 16 Shkurt, 2026 14:44

Situata me përmbytjet në territorin e Komuna e Gostivarit po shkon drejt normalizimit, pas ndërhyrjeve intensive të ekipeve në terren gjatë 24 orëve të fundit.

Autoritetet komunale bëjnë të ditur se falë angazhimit të pandërprerë të shërbimeve emergjente, ndërmarrjeve publike dhe strukturave të tjera përkatëse, gjendja po vihet nën kontroll dhe zonat e prekura po pastrohen gradualisht nga uji dhe mbetjet e sjella nga reshjet e dendura.

“Falë angazhimit të pandërprerë të të gjitha ekipeve në terren, nga dita e djeshme e deri më sot, po arrijmë ta menaxhojmë me sukses këtë situatë,” thuhet në reagimin e komunës.

Në këtë kontekst, është theksuar edhe solidariteti ndërkufitar. Kryetari i Bashkia e Pogradecit, Ilir Xhakolli, ka zhvilluar një bisedë telefonike me përfaqësuesit e Gostivarit, duke shprehur gatishmëri për ndihmë konkrete.

“Dua të shpreh mirënjohjen time të veçantë për mikun tim dhe mikun e Gostivarit, z. Ilir Xhakolli, me të cilin pata një telefonatë gjatë ditës së sotme. Ai shprehu gatishmëri të plotë dhe ofroi ndihmë pa rezervë për gjithçka që është e nevojshme për qytetarët tanë në këto momente të vështira,” thuhet në deklaratë.

Falënderime janë adresuar edhe për Ambasadorin e Republikës së Shqipërisë në Shkup, Denion Meidani, për rolin e tij në koordinimin e mbështetjes.

“Një falënderim i sinqertë shkon edhe për ambasadorin Denion Meidani, për angazhimin dhe ndërmjetësimin e tij me bashkitë e Republikës së Shqipërisë, duke dëshmuar solidaritet dhe përkrahje konkrete për Gostivarin,” theksohet më tej.

Nga komuna bëjnë apel që qytetarët të vazhdojnë të ndjekin udhëzimet e institucioneve kompetente, ndërsa ekipet mbeten në terren deri në stabilizimin e plotë të situatës. Gazeta Flaka

Botuar nga Flaka 16 Shkurt, 2026 14:44

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.