Lefkov: Korrupsioni në gjyqësor nuk përfundon me Georgievin dhe Memetin

Arrestimi i gjyqtarit suprem Naqe Georgiev për marrje ryshfeti prej 10.000 euro është vetëm një konfirmim se Maqedonia me pushtetin e LDS-së dhe BDI-së nuk ishte as shtet ligjor e aq më pak evropian, tha Mile Lefkov, anëtar i KE-së të VMRO-DPMNE, përcjell FLAKA.

“Gjyqtari, i cili gjithë karrierën e tij gjyqësore dhe avancimin në kohën e LDS-së, dje është kapur në flagrancë duke marrë ryshfet në këmbim të rrethanave lehtësuese në procedurën kundër ish-kryetarit të Novosellës, Boro Stojçev.

Georgiev u bë gjyqtar në vitin 1997, pastaj u zgjodh gjyqtar në Gjykatën e Apelit në vitin 2004, pastaj gjykatës suprem në vitin 2020, dhe më pas u zgjodh në mënyrë kontroverse si anëtar i Këshillit Gjyqësor, dhe më pas dha dorëheqjen edhe më të diskutueshme në mënyrë që djali i tij të zgjidhej gjyqtar në Gjykatën Penale. Arrestimi i tij tregoi lavdinë e plotë të mjerimit në të cilin LDS dhe BDI sollën gjyqësorin në Maqedoni.

Në vend të drejtësisë mbretëroi krimi dhe korrupsioni dhe personazhe si Georgiev, në vend që të luftonin kundër kriminelëve, shkelën ligjin për përfitime pronësie.

Por kjo nuk është e gjitha. Për ta kompletuar pamjen e turpshme të gjyqësorit maqedonas, ekziston dyshimi i bazuar se në këtë aferë ka qenë edhe prokurori publik”, tha Lefkov.

Ai shtoi se Memeti, ashtu si edhe Georgiev, janë të lidhur ngushtë me qeverinë e kaluar, gjegjësisht konsiderohet jashtëzakonisht i afërt me BDI-në.

“Ky është një oktapod oborri. Sistemi gjyqësor drejtohet nga një bandë e organizuar që bën tregti me drejtësinë dhe që punon sipas shkronjës së parave në vend të shkronjës së ligjit.

U bëjmë thirrje institucioneve kompetente që të hetojnë gjithë këtë rast dhe shumë të tjera, sepse mendojmë se korrupsioni në gjyqësor nuk përfundon vetëm me Georgievin dhe Memetin, por tentakulat janë shumë më të mëdha dhe më të thella, nga gjykatat themelore, të apelit dhe prokurorive deri në pozitat e larta politike të qeverisë në largim të LDS-së dhe BDI-së.

Pa shtetin e së drejtës, nuk ka Bashkimi Evropian. Pa shtetin e së drejtës, në Maqedoni nuk ka përparim dhe as jetë më të mirë. Duhet të ketë një luftë të fortë dhe vendimtare kundër korrupsionit dhe askush nuk duhet të mbrohet apo amnistohet. Po vjen koha e përgjegjësisë”, tha Lefkov. FLAKA