Qytetarët protestojnë për deponitë – Ministri i Ekologjisë në rend të parë vë agjendën politike

Qytetarët protestojnë për Deponitë – Ministri i Ekoligjisë merret me agjendë politike. Izet Mexhiti, aktualisht garon për kryetar të Çairit dhe fokus ka vënë fushatën zgjedhore, edhe pse, nga oponentët i është kërkuar që të dorëhiqet nga posti qeveritar që institucioni të mes mbetet peng dhe gara zgjedhore të jetë e barabartë, shkruan Flaka.

Sot, iniciativa qytetare “Stop për Vardarishten” këtë mëngjes me një bllokadë tjetër në kryqëzimin te ura binjake. Nga Iniciativa theksuan se deponia është pa gardh, mbeturinat janë përsëri të pranishme dhe nuk janë siguruar mjaftueshëm.

Nga iniciativa kujtuan se vizituan deponinë, por nuk u lejuan të hynin, nga jashtë panë një makinë zjarrfikëse dhe një prani policie që e siguronte atë, vetëm në njërën anë, dhe në anën tjetër, nga ku mund të hyjë edhe kushdo.

Mbështetësit e iniciativës qytetare që ishin të pranishëm në protestën e mëngjesit thonë se një zgjidhje urgjente është e nevojshme. “Kemi rregullore të mira që synojnë drejt BE-së, por ato thjesht duhet të respektohen”, thanë protestuesit.

Mbështetja e vetme që kanë pasur deri më tani ka qenë nga kryetari aktual i Aerodromit Dejan Miteski, i cili ishte i pranishëm në tubim, siç thonë nga “Stop për Vardarishten”, dhe sipas tyre, ishte i hapur për bashkëpunim.