Ky vullkan në Antarktik hedh 80 gramë ar në ditë me vlerë 6000 dollarë në ajrin e akullt

Mali Erebus fsheh një nga vullkanet më aktivë në botë, i cili çdo ditë hedh rreth 80 gramë ar në ajrin e ftohtë të Antarktikut.

Antarktiku është një kontinent i akullt me temperatura jashtëzakonisht të ulëta, por ka edhe aktivitet të fortë vullkanik.

Vullkani Erebus, i cili është një nga 138 vullkanet aktive në Antarktik, lëshon gaz çdo ditë, i cili përmban ar të kristalizuar, me vlerë, siç vlerësohet, pothuajse 6.000 dollarë. Megjithatë, mund të jetë e vështirë për të mbledhur ose hetuar më tej pasi mali nuk është lehtësisht i arritshëm.

Shumica e vullkaneve në Antarktik ndodhen në Antarktidën Perëndimore dhe Tokën Marie Berd. Ndërsa shumica e tyre janë në qetësi, tetë ose nëntë vullkane të Antarktidës konsiderohen aktive. Vetëm tre vullkane kanë shpërthyer në historinë e kohëve të fundit, megjithëse ishte shumë ndryshe në të kaluarën e largët.

Vullkani Erebus mban emrin e perëndisë së lashtë greke të errësirës dhe studiuesit theksojnë se ai shpërtheu “kur kapiteni Sir James Clark Ross e pa atë për herë të parë në 1841”.

Ekspertët kanë zbuluar afërsisht 80 gramë flori të kristalizuar në xhepat e gazit që emetohen nga mali Erebus, shkruan New York Post duke cituar një raport nga IFL Science.

Sipas Conor Bacon i Observatorit të Tokës Lamont-Doherty në Universitetin Columbia në Nju-Jork, Erebus ka shpërthyer vazhdimisht që nga viti 1972. Ai shtoi se mali është gjithashtu i njohur për përmbajtjen e një “liqeni llavë” në një nga krateret e majës së tij.

Aktiviteti vullkanik në të kaluarën

Hulumtimet e fundit të bazuara në koleksionin e bërthamave të akullit nga Antarktida sugjerojnë se kontinenti u shkatërrua nga shpërthime gjigante vullkanike gjatë epokës së fundit të akullit, shumë prej të cilave ishin më të mëdha se çdo shpërthim në historinë moderne.

Pluhuri vullkanik mund të gjendet në një rreze prej 1000 kilometrash nga vullkani, i cili ka një lartësi prej 3,795 metrash, shkruan IFL Science.

Pluhuri i arit është vetëm një nga grimcat e shumta të nxjerra nga vullkani nga Erebus, ndërsa është një nga vullkanet më famëkeq në planet për shkak të fatkeqësisë që ndodhi më 28 nëntor 1979. Më pas avioni në fluturimin 901 të kompanisë ajrore “Air New Zealand” goditi një nga shkëmbinjtë e vullkanit dhe të gjithë 257 personat që ndodheshin në avion u vranë.

Fluturimi ishte pjesë e programit promo të kësaj kompanie, i cili u mundësonte pasagjerëve të udhëtonin nga Auckland në Antarktidë dhe mbrapa, zgjaste 11 orë dhe përfshinte vështrim nga avioni.