Monolite të pazakonta po shfaqen në të gjithë botën – tani një është zbuluar në Las Vegas

Monoliti misterioz ka habitur autoritetet, pasi u zbulua pranë Las Vegasit.

Ai u gjet rastësisht, pranë Majës së Gass, në Parkun Kombëtar të Kafshëve të Egra në Shkretëtirë dhe “sillet” si një pasqyrë.

Për momentin, nuk ka asnjë informacion apo supozime se si ai përfundoi në një vend të largët dhe përdorues të shumtë të mediave sociale janë të vendosur për të zgjidhur misterin.

“Kemi gjetur shumë gjëra të çuditshme që njerëzit lënë pas gjatë ecjes, por shikoni këtë! Ekipi i shpëtimit vuri re një monolit misterioz pranë Majës së Gassit”, tha policia, shkruan skynews.

Kujtojmë se objekte të ngjashme shfaqen herë pas here në të gjithë botën dhe gjithçka filloi në vitin 2020. Më pas, thellë në shkretëtirën e shtetit amerikan të Utah, u gjet monoliti i parë i ndritshëm.

Pas kësaj, ata u shfaqën në Rumani, Kolumbi, Britani, Austri, Turqi, Uells…

Në ditët në vijim pritet të dihen më shumë informacione për zbulimin në Majën e Gassit.