Mickoski: Në gjysmën e dytë të korrikut do të ketë rebalanc të buxhetit dhe investime të reja

Hristijan Mickoski, kryetar i Qeverisë dhe i VMRO-DPMNE-së, në TV 24 tha se në të ardhmen do të shohim se projektet që ishin premtuar në fushatën zgjedhore do të bëhen realitet, përcjell FLAKA.

“Nëse gjithçka shkon siç duhet, në gjysmën e dytë të korrikut do të ketë një rebalanc në Kuvend dhe në gjysmën e parë të gushtit do t’i bëhet thirrje komunave që të bashkëpunojnë me projektet. Sipas asaj që po diskuton ministri i Financave, ekziston mundësia e madhe që komunave të ndahen gjashtë miliardë denarë për projektet që janë gati. Nesër kemi një takim dhe do të punojmë për këtë problem. Me këto gjashtë miliardë denarë pres të paktën 150 projekte të financohen, nëse jo 200. Këto janë projekte të rëndësishme për qytetarët dhe janë të përfshira në projektet e kryetarëve të komunave, ato programe fituan zgjedhjet në 2021 dhe ne vlerësojmë që duhet të mbështeten. Po flasim për bulevardet, kanalizimet e ujësjellësat, shkollat… Nesër po promovojmë një investim të madh të huaj në sektorin e energjisë, nga 400 deri në 450 milionë euro dhe me këtë prodhimi ynë i energjisë elektrike do të marrim një bilanc energjetik aq sa prodhojmë, aq sa shpenzojmë, pa ligje të veçanta në Parlament. Dhe do të ketë 100 milionë euro të reja shtesë për bruto produktin e brendshëm të Maqedonisë. Investitori është nga Dubai dhe në atë fond investimi në strukturë është Banka Evropiane për Rindërtim dhe Zhvillim, Banka Evropiane e Investimeve, Korporata Ndërkombëtare Financiare ose AFSI, ka fonde strukturore gjermane dhe amerikane, diçka e paparë më parë në Evropë”, ka thënë Mickoski. FLAKA