Banorët e RMV-së shpenzojnë më së shumti në “Buking” dhe blejnë më shumë në “AliExpress”

Banorët e RMV-së kanë shpenzuar 573 milionë euro me kartelat e tyre të pagesës jashtë vendit, që është një rritje prej 25% në krahasim me vitin 2022, tregon analiza e Shoqatës për e-commerce. Shumica e parave – 195 milionë euro – u shpenzuan në internet për të blerë bileta avioni dhe për të rezervuar hotele, përcjell FLAKA.

Por edhe pse kemi shpenzuar më shumë se gjysmë miliardë euro, ato janë ndarë në 4,6 milionë transaksione, pra një transaksion mesatar ka qenë 43 euro ose 2646 denarë.

Banorët e RMV-së blenë kryesisht nga Holanda, Britania e Madhe, Hungaria, Irlanda, SHBA, Luksemburgu. Më së shumti para është shpenzuar në Holandë, 27.5 milionë euro, ndërsa numri më i madh i transaksioneve është bërë në Luksemburg.

Kjo për shkak se faqja e internetit e përdorur kryesisht për kërkimin dhe rezervimin e akomodimit, Booking, është e regjistruar në Holandë. Në Luksemburg, për shembull, ku janë regjistruar faqet e AliExpress dhe dega evropiane e Amazon, janë bërë 890 mijë transaksione, por atje mesatarja e konsumit është vetëm 11 euro sepse këta dy shitës online përdoren kryesisht për gjëra të vogla. Hungaria është tërheqëse për Banorët e RMV-së për shkak të linjës së saj ajrore me kosto të ulët, Wizzair.

Kompanitë e RMV-së që shesin produkte jashtë vendit kanë fituar 26,8 milionë euro. Dhe këtu ka një rritje prej gati 23%. Të huajt në kompanitë e RMV-së kanë shpenzuar mesatarisht 31 euro për transaksion. Numri më i madh i klientëve janë nga SHBA, Zvicra dhe Britania e Madhe, por blejnë edhe nga Turqia, Bullgaria dhe Irlanda. FLAKA