LSDM zgjat afatin për aplikim për votim në zgjedhjet e brendshme

LSDM-ja e zgjati afatin për aplikime për votim në zgjedhjet e brendshme për kryetar të ri të partisë. Sipas informacioneve të LSDM-së, komisioni zgjedhor në mbledhjen e sotme ka marrë vendim që afati i skaduar fillimisht të vazhdojë sot deri të dielën. Sipas komisionit zgjedhor, kjo ka qenë me kërkesë të organizatave komunale. Deri më tani janë regjistruar 18.000 anëtarë të LSDM-së, përcjell FLAKA.

Në periudhën e kaluar, disa nga socialdemokratët kundërshtuan pjesëmarrjen e ulët të kandidatëve të regjistruar, gjë që sipas tyre mund të vërë në pikëpyetje legjitimitetin e presidentit të ri. Disa nga kandidatët për kryetar të LSDM-së shprehën dyshime edhe për rritjen e menjëhershme të numrit të të regjistruarve për të votuar në organizata të caktuara komunale. Lideri i ri i LSDM-së do të ketë mandat vetëm deri në mars, sepse LSDM nuk ka siguruar kuorum në Kongresin ku do të ndryshohej Statuti.

Ndryshe, sonte në Kumanovë do të mbahet prezantimi i dytë i përbashkët i programeve të kandidatëve për kryetar, Sllavjanka Petrovska, Jovan Despotovski, Venko Filipçe dhe Aleksandar Bajdevski. LSDM zgjedh lider të ri, pas dorëheqjes së Dimitar Kovaçevskit pas disfatës më të rëndë historike të LSDM-së në zgjedhjet e dyfishta e 24 prill dhe 8 maj. FLAKA